Tag: मुंबई

मुंबई,दि.१८ : महाराष्ट्रात कोरोना संसर्गाची प्रकरणे वाढल्यामुळे राज्य सरकारने लॉकडाऊन जाहीर केला. लॉकडाऊनच्या काळात अत्यावश्यक सेवा वगळता सर्व व्यवहार बंद ठेवण्याचे निर्देश दिले आहेत. तसेच अत्यावश्यक सेवेतील लोकांना वगळता इतरांना फिरता येणार नाही. तरी देखील रस्त्यावर गर्दी दिसते. वाहनांची वर्दळ असते.

राज्यात संचारबंदी लागू करूनही रस्त्यावरील गर्दी कमी होत नसल्याने मुंबई पोलिसांनी त्याविरुद्ध कठोर पावले उचलण्याचा निर्णय घेतला आहे. फक्त अत्यावश्यक सेवेसाठी रस्त्यावर फिरण्यास परवानगी असून, अत्यावश्यक सेवेसाठी खासगी वाहनांना आता रंगीत स्टीकर लावावे लागतील, त्याव्यतिरिक्त अन्य गाड्यांवर कारवाई केली जाईल.

डॉक्टर व आरोग्यसेवकासाठी लाल, भाजीपाला व जीवनावश्यक वस्तूच्या विक्रीच्या वाहनावर हिरवा आणि सरकारी व अन्य महत्त्वाच्या व्यक्तीच्या वाहनांवर पिवळ्या रंगाचे स्टीकर लावणे अनिवार्य करण्यात आले आहे.वाहनाच्या पुढील व मागील बाजूला ६ इंच आकाराचे गोल स्टीकर लावायचे आहे. त्याव्यतिरिक्त अन्य वाहने आणि कलर कोडचा गैरवापर करणाऱ्यांवर कडक कारवाई केली जाईल, असा इशारा मुंबई पोलीस आयुक्त  हेमंत नगराळे दिला आहे. प्रमुख मार्ग व नाक्यावर शनिवारी रात्रीपासून वाहनांची तपासणी करण्यात येत आहे.

उल्लंघनावर करडी नजरअत्यावश्यक सेवा पुरवणाऱ्या गाड्यांना कलर कोड दिला जाणार आहे. नियमाचे उल्लंघन करणाऱ्यांवर कडक कारवाई केली जाईल. गाड्यांमधील कर्मचारी अत्यावश्यक सेवेमध्ये काम करत आहेत का? याची तपासणी करण्यात येणार आहे. पोलीस, महापालिका, पत्रकार, डॉक्टर, अशा प्रकारे पोस्टर लावून कोणी फायदा घेत आहे का, याचीही पडताळणी केली जाणार आहे.राज्य सरकारने जारी केलेल्या नियमांनुसार आपण लॉकडाऊनची कडक अंमलबजावणी करत आहोत. महत्त्वाच्या चेक नाका, टोल नाक्यांवर वाहतूक कोंडी होत असल्याचे दिसत आहे. त्यामुळे डॉक्टर, नर्सेस्‌, रुग्णवाहिका, रुग्णालये यांनाही याचा फटका बसत आहे. त्यामुळे आपण अत्यावश्यक सेवेतील कर्मचाऱ्यांच्या गाड्यांसाठी कलर कोड सुरू करत आहोत.- हेमंत नगराळे

मुंबई,दि.22 : परमबीर सिंह यांच्या लेटरबॉम्बमुळे सरकारला हादरे बसत असताना भाजपनं आता दोन मंत्र्यांना टार्गेट करत मिशन अनिल सुरु केल्याचं दिसतंय. भाजपनं गृहमंत्री अनिल देशमुख यांच्याबरोबरच परिवहन मंत्री अनिल परब यांनाही टार्गेट केलं आहे. अनिल देशमुख यांच्या राजीनाम्यासाठी भाजपनं राज्यभरात आंदोलन केलं. गृहमंत्री देशमुख यांचा राजीनामा घेतल्याशिवाय थांबणार नाही, असा इशाराच भाजप नेत्यांनी दिलाय. तर विरोधी पक्षनेते देवेंद्र फडणवीस आणि भाजप नेते किरीट सोमय्या या दोघांनी काल शिवसेनेचे नेते आणि परिवहन मंत्री अनिल परब यांच्यावर निशाणा साधला आणि अनिल देशमुख यांच्यापाठोपाठ पुढचं टार्गेट अनिल परब असतील असे स्पष्ट संकेत दिले.

मुंबई,दि.19 : महाराष्ट्रात कोरोना संसर्गाची प्रकरणे दिवसेंदिवस वाढतच आहेत. अनेक शहरात कडक निर्बंध करण्यात आले आहेत. सोलापूरसह अनेक शहरात निर्बंध कडक करूनही कोरोना रुग्णांची संख्या पुन्हा वाढत आहे. राज्यासह मुंबईमध्ये कोरोनाची दुसरी लाट आली आहे. शहरात गुरुवारी दिवसभरात उच्चांकी 2,877 नवीन कोरोना रुग्णांची नोंद झाली आहे. हा आकडा सात ऑक्टोबरच्या उच्चांकी 2,848 संख्येपेक्षा जास्त आहे. राज्यात गुरुवारी चोवीस तासात 25833 कोरोना रुग्णांची नोंद झाली. रुग्णसंख्येत झालेल्या या भयंकर वाढीचा ठपका शहर प्रशासनानं नागरिकांवर ठेवला आहे. नागरिकांच्या हलगर्जीपणामुळे रुग्णसंख्येत वाढ झाल्याचं म्हणत प्रशासनानं काही नियम (New Rules For Visiting Malls In Mumbai) लागू केले आहेत. अत्यावश्यक कारणाशिवाय बाहेर न पडण्याचं आवाहन मुंबईकरांना करण्यात आलं आहे.

आता महानगरपालिकेनं मॉल तसंच शॉपिंग सेंटरमध्ये जाण्यासाठी ॲन्टिजन टेस्ट किंवा कोरोना निगेटिव्ह अहवाल (Antigen-Tests or Negative Report) अनिवार्य असल्याचं सांगितलं आहे. याबद्दलची सविस्तर माहिती शुक्रवारी मनपा आयुक्त सुरेश काकाणी देणार आहेत. काकाणी यांनी याबद्दल अधिक माहिती देताना सांगितलं, की हे नवे नियम सोमवारपासून लागू करण्यात येणार आहेत. शॉपिंग मॉलशिवाय मॉलमध्ये असणाऱ्या चित्रपटगृहांसाठीही हे नियम लागू असणार आहेत.

काकाणी म्हणाले, की तज्ज्ञांशी झालेल्या बैठकीत रुग्णवाढीबाबत चर्चा झाली आणि आम्ही चाचण्या वाढवण्याचा निर्णय घेतला आहे. वाढत्या चाचणीमुळे रुग्णांची संख्याही जास्त वाढणार आहे आणि हा आकडा गुरुवारपेक्षाही पुढे जाऊ शकतो. मात्र, कोरोनाचा प्रसार रोखण्यासाठी बाधित लोकांना ओळखणं आणि इतरांपासून दूर ठेवणं गरजेचं असल्याचंही त्यांनी म्हटलं आहे.

मुंबई,दि.10 : कोरोना रिपोर्ट बनावट तयार करणाऱ्या व्यक्तीला अटक केली आहे. (The man who fabricated fake Corona report has been arrested.) पॉझिटिव्ह रिपोर्ट बनावट पद्धतीने निगेटिव्ह करणाऱ्याला पोलिसांनी अटक केली आहे. मुंबईत कोरोना आजाराचा फायदा घेण्यासाठी लोकं खोटे अहवाल घेणारे आणि खोटे अहवाल देणारे लोकं यांची मुंबई पोलिसांकडून धरपकड करण्यात येत आहेत. त्याच वेळी, जे लोक कोरोना पॉझिटिव्ह आहेत, परंतु रिपोर्टमध्ये छेडछाड करुन प्रवास करीत आहेत त्यांना देखील पोलिसांकडून पकडले जात आहे. (People who are corona positive, but travel by tampering with the report are also being caught by the police)

बोगस रिपोर्ट बनवल्याच्या आरोपाखाली अब्दुल सादिक खान नावाच्या व्यक्तीला शिवाजी नगर परिसरातून अटक केली आहे. खाजगी लॅबमधून नमुने गोळा करून प्रयोगशाळेत पाठवणे हे सादिकचे काम होते. पण त्याने काही रुपये घेतले आणि कोरोनाचा बनावट अहवाल स्वत: च्या हाताने बनवून लोकांना दिला. पोलिसांनी सादिकविरोधात शिवाजी नगर पोलिस ठाण्यात गुन्हा दाखल केला आहे, त्यानुसार कलम 420, 418, 465, 468, 471, 500 आणि 188 अन्वये गुन्हा दाखल केला आहे. 

प्राथमिक तपासात पोलिसांना एकूण सहा बोगस कोरोना रिपोर्ट प्राप्त झाले आहेत. या रिपोर्टशी संबंधित लोकांचा शोध पोलिस घेत आहेत. सादिकच्या संगणकाची प्रयोगशाळेमध्ये चाचणी घेण्यात येत असून त्यानंतर पुढील कार्यवाही केली जाईल. मुद्दा फक्त सादिकच्या फसवणुकीचा नाही. कोविड पॉझिटिव्ह असलेल्या मुंबईतील खार भागात राहणाऱ्या एका कुटुंबातील 3 जणांनीही त्यांच्या कागदपत्रांमध्ये छेडछाड केली आणि मुंबईहून विमानाने जयपूरला जाण्याच्या विचारात होते.

जयपूर ट्रिपच्या काही काळआधी त्याला विमानतळावर थांबविण्यात आले होते. त्यांच्याविरोधात बीएमसीने पोलिस ठाण्यात एफआयआरही दाखल केला आहे. हा अहवाल पॉझिटिव्ह आल्यानंतर कुटुंबीयांनी हा अहवाल बनावट मार्गाने निगेटिव्ह बनविला होता.

चुकीचा अहवाल देणाऱ्या व्यक्तीवरच कारवाई केली जाऊ नये तर चुकीचा अहवाल घेणाऱ्यावरही कारवाई केली पाहिजे, असे मुंबई महानगरपालिकेच्या महापौर किशोरी पेडणेकर यांनी सांगितले.
या प्रकरणात, बीएमसी आता एक पथक तयार करणार आहे, जे कोरोना चाचणीच्या ठिकाणी जाईल आणि पुन्हा पुन्हा तेथे जाऊन तपासणी करत राहील.

मुंबई,दि.23 : महाराष्ट्रात कोरोना संसर्गाच्या वाढत्या प्रकरणाच्या पार्श्वभूमीवर मुख्यमंत्री उद्धव ठाकरे (Chief Minister Uddhav Thakare) यांनी फेसबुक लाइव्हच्या माध्यमातून रविवारी ( दि.21) जनतेसोबत संवाद साधला होता. घरामध्ये बंद करुन ठेवणं कुणालाही आवडणार नाही असेही मुख्यमंत्री उद्धव ठाकरे यावेळी म्हणाले होते. आपल्या राज्यात पुन्हा एकदा कोरोना डोकं वर काढतोय, मात्र आपल्या राज्यात दुसरी लाट आली की नाही, ते 8 ते 15 दिवसांमध्ये कळेल. मास्क ही आपली ढाल आहे, मास्क वापरला नाही तर हा शत्रू आपल्याला गाठल्याशिवाय राहणार नाही. मास्क घालणे अनिवार्य आहे. असे उद्धव ठाकरे यांनी संवाद साधताना म्हटले होते.

Maharashtra CM Uddhav Thackeray to hold a meeting today with BMC Commissioner and officials, to review the COVID19 situation pic.twitter.com/M2lmU9vWYd

— ANI (@ANI) February 23, 2021

मुख्यमंत्री उद्धव ठाकरे (Chief Minister Uddhav Thakare) यांनी आज महापालिकेचे आयुक्त व अधिकाऱ्यांची महत्त्वाची बैठक बोलावली आहे. ANI वृत्तसंस्थेनं या संदर्भातील वृत्त दिलं आहे. मुंबईतील सध्याच्या परिस्थितीचा आढावा मुख्यमंत्री उद्धव ठाकरे हे महापालिका आयुक्त व अधिकाऱ्यांशी चर्चा करून घेणार आहेत. कोरोना संसर्गाची प्रकरणे पुन्हा वाढत आहेत. मुंबईतील लोकल सेवा सर्वसामान्यांसाठी सुरू केल्यानंतर मुंबईत रुग्ण संख्या वाढू लागली आहे. लोकल प्रवाशांची बेजबाबदार वर्तणूक यासाठी जबाबदार असल्याचं बोललं जात आहे. त्यामुळं लोकल ट्रेनवर पुन्हा निर्बंध येणार का, हे पाहावं लागणार आहे. तसंच, आजच्या बैठकीनंतर मुंबईबद्दल नेमका काय निर्णय घेतला जाणार याबद्दलही उत्सुकता आहे.

मुंबई,दि.10 : सिलेंडरच्या गोदामाला भीषण आग लागली आहे. वर्सोवाच्या यारी रोड परिसरातील सिलेंडरच्या गोदामाला भीषण आग लागली आहे. अग्निशामक दलाच्या 16 गाड्या घटनास्थळी दाखल झाल्या आहेत. अग्निशामक विभागाच्या कर्मचाऱ्यांनी शर्थीचे प्रयत्न करुन आग आटोक्यात आणली आहे. या ठिकाणी सध्या कुलिंगचं काम सुरु आहे. एक किलोमीटर परिसरातील रहिवाशांना सुरक्षित स्थळी हलवण्यात आलं आहे.

सध्या आग आटोक्यात आली असली तरी आजूबाजूच्या नागरिकांना सुरक्षित स्थळी हलवण्यात आलं आहे. आग लागल्यानं एकामागोमाग एक असे सिलेंडरचे स्फोट झाल्याने नागरिकांमध्ये भीतीचे वातावरण पसरले आहे. साधारण 10.30 वाजता ही आग लागली असल्याची माहिती आहे. या परिसरात अनेक सेलिब्रेटी देखील राहत असल्याची माहिती आहे.