Tag: बलात्कार

दि.26: पॉलिटेक्निकच्या विद्यार्थ्यांनी एका 20 वर्षीय तरुणीवर सामूहिक बलात्कार केल्याची घटना घडली आहे. दैनिक हिंदुस्थानने यासंदर्भात वृत्त दिले आहे. सर्वात धक्कादायक बाब म्हणजे आरोपींनी मोबाईल फोनवरही हे दुष्कृत्य रेकॉर्ड केले आणि व्हायरल करण्याची धमकी दिली.

उत्तर प्रदेशमधील महोबा जिल्ह्यात एका धक्कादायक घटनेत एका 20 वर्षीय तरुणीवर चार जणांनी सामूहिक बलात्कार केला आहे. पॉलिटेक्निक विद्यार्थी असल्याचे या चौघांची ओळख पटली आहे. सर्वात धक्कादायक बाब म्हणजे आरोपींनी मोबाईल फोनवरही हे दुष्कृत्य रेकॉर्ड केले आणि व्हायरल करण्याची धमकी दिली. गौरव, विकास, पुष्पराज आणि सौरभ अशी अटक केलेल्या आरोपींची नावे आहेत. आरोपी 19 -21 वयोगटातील आहेत.

21 -22 मार्च रोजी मध्यरात्री ही भीषण घटना घडली. हिंदी दैनिक हिंदुस्थानच्या वृत्तानुसार पोलिसांनी बुधवारी या संदर्भात गुन्हा दाखल केला आहे. आरोपींनी महिलेला जबरदस्तीने त्यांच्या खोलीत नेऊन तिचा भंग केला. पीडितेला वैद्यकीय तपासणीसाठी पाठवण्यात आले होते.पोलिसांनी चारही आरोपींना अटक केल्याचे पोलिसांचे म्हणणे आहे. पोलिसांना दिलेल्या तक्रारीत पीडितेने सांगितले की, मंगळवारी रात्री चारही तरुणांनी तिच्या निवासस्थानी प्रवेश केला असता ती तिच्या घरी एकटी होती. त्यांनी तिचे अपहरण केले आणि नंतर तिच्यावर सामूहिक बलात्कार केला. याप्रकरणी आरोपीने पोलिसांकडे तक्रार करण्यास संपर्क साधल्यास गॅंगरेपचा व्हिडिओ व्हायरल करण्याची आरोपीने धमकी दिली.

गुन्ह्यानंतर महिलेला बेशुद्ध अवस्थेत सोडण्यात आले. अतिरिक्त पोलीस अधीक्षक राजेंद्रकुमार गौतम यांनी सांगितले की, चार आरोपींना अटक करण्यात आली आहे. हे चार पॉलिटेक्निक विद्यार्थी परिसरातील भाड्याच्या घरात राहतात. कोतवाली येथील स्टेशन हाऊस ऑफिसर (एसएचओ) अनूप कुमार दुबे यांनी सांगितले की, “मुलीने दिलेल्या तक्रारीनुसार ही घटना 21 – 22 मार्चच्या मध्यरात्री घडली होती, परंतु बुधवारी गुन्हा दाखल करण्यात आला आहे.”

दि.9 : मानवतेला काळिमा फासणारी घटना समोर आली आहे. एका महिलेवर 12 जणांनी चालत्या कारमध्ये बलात्कार केल्याची घटना घडली आहे. चालत्या कारमध्ये एका महिलेवर बलात्कार केल्याचा व्हिडीओ सोशल मीडियावर जोरदार व्हायरल झाला आहे. या घटनेचं गांभीर्य लक्षात घेत पोलिसांनी पीडितेला बोलावून घेत तक्रार दाखल करुन घेतली आणि याप्रकरणी तीन आरोपींना अटक केली. ही घटना 6 महिन्यांपूर्वीची असल्याचं सांगितलं जात असून वेगवेगळ्या तीन कारमध्ये महिलेवर लैंगिक अत्याचार आणि मारहाण करण्यात आली आहे.

उत्तर प्रदेशमध्ये चालत्या कारमध्ये महिलेवर सामूहिक बलात्कार केल्याचा एक व्हिडीओ समोर आला आहे. या व्हिडीओबद्दल जेव्हा जयपूर पोलिसांना माहिती मिळाली तेव्हा त्यांनी याचा अधिक तपास सुरू केला. व्हिडीओमध्ये महिलेसोबत सामूहिक बलात्कार होत असल्याचं स्पष्ट झालं. पोलिसांना व्हिडीओमधील आवाज हा जयपूरमधील लोकांसोबत मिळताजुळता वाटला. यानंतर पोलिसांनी घटनेचं गांभीर्य लक्षात घेत सीएसटी तसंच शरहातील 4 जिल्ह्यांमधील पोलिसांना तपासासाठी आणि व्हिडीओमध्ये दिसणाऱ्या लोकांची ओळख पटवण्याचं काम दिलं. यातील पीडिता ही उत्तर प्रदेशमधील असल्याचं स्पष्ट झालं, यानंतर पोलिसांनी महिलेला जयपूरमध्ये बोलावून मानसरोवर ठाण्यात तक्रार दाखल करुन घेतली आहे. 

पीडितेनं तक्रार दाखल करताना दिलेल्या माहितीनुसार, 19 ऑक्टोबर 2020 रोजी ती न्यू सांगानेर रोडजवळील साई कृपा हॉटेलमध्ये थांबली होती. यादरम्यान महिलाच्या ओळखीच्या संजू बंगाली नावाच्या व्यक्तीने तिला पैशाचं आमिष देत एका मुलासोबत पाठवलं. या मुलाने महिलेला एका कारमध्ये बसवलं. यात आधीपासून इतर चारजण होते. कारमधील व्यक्तींनी महिलेचा मोबाईल काढून घेतला आणि तिच्यावर बलात्कार केला. या घटनेदरम्यान कारमधील अन्य दोघांनी महिलेचा व्हिडीओ बनवला. दरम्यान अन्य 2 कारही तिथे आल्या आणि दुसऱ्या कारमध्ये घेऊन जात महिलेवर अत्याचार केला. घटनेत तब्बल 12 लोक सहभागी असल्याचं म्हटलं आहे.

पीडितेने ती गुलाब आणि अभिषेक नावाच्या व्यक्तीला ओळखते. गुलाबनं पीडितेला धमकी दिली होती, की याबद्दल कोणालाही सांगितलं, तर तुझा व्हिडीओ व्हायरल करेल. याच कारणामुळे सहा महिने होऊन गेले तरीही पीडितेनं याप्रकरणाची तक्रार केली नसल्याचं म्हटलं आहे. या प्रकरणात चार डीसीपींसह सुमारे 10 आयपीएस आणि 40 सीआयची टीम तयार करण्यात आल्याची माहिती अतिरिक्त पोलिस आयुक्त अजयपाल लांबाने यांनी दिली. या पथकात पीडित आणि आरोपींचा सुमारे 100 पोलीस शोध घेत होते. मिळालेल्या माहितीनुसार, ही गँग अश्लील व्हिडीओ बनवून ब्लॅकमेल करण्याचं काम करते. पोलीस सध्या इतर आरोपींचा शोध घेत आहेत.

सोलापूर, दि.९ : एका अल्पवयीन व मतिमंद मुलीवर दुष्कर्म केल्याच्या आरोपावरुन महिला दिनी आरोपीला १५ वर्षे सक्तमजुरी व पाच हजार रुपये दंडाची शिक्षा जिल्हा व सत्र न्यायाधीश यू. एल. जोशी यांनी ठोठावली. सलग तीन वर्षांपासून महिला दिनी न्यायालयाने महिला अत्याचारप्रकरणी आरोपींना शिक्षा देऊन न्याय देण्याचे काम केले आहे.

१० ऑगस्ट २०१८ रोजी दुपारी दीडच्या सुमारास अल्पवयीन मतिमंद पीडिता ही तिच्या घराबाहेर खेळत होती. त्यावेळी आरोपी हा तिच्याजवळ आला व तुला चॉकलेट देतो असे सांगून तिला घराच्या पाठीमागे चालू असलेल्या बांधकामाजवळ बोलावून घेतले. तेथील एका खोलीत नेऊन तिच्यावर दुष्कर्म केले. त्यानंतर पीडिता ही घाबरुन घरी आल्यानंतर तिच्या आईने घाबरल्याचे कारण विचारले असता तिने घडलेली घटना आईला सांगितली.

सदर घटनेची फिर्याद पीडितेच्या आईने अक्कलकोट उत्तर पोलीस ठाण्यात दिली. या सर्व घटनेचा तपास करून सहायक पोलीस निरीक्षक घाडगे यांनी आरोपीविरुध्द न्यायालयात दोषारोपपत्र दाखल केले. या प्रकरणात सरकार पक्षातर्फे एकूण १० साक्षीदार तपासण्यात आले. त्यामध्ये फिर्यादी व पीडित मुलगी, इतर साक्षीदारांचे जबाब तसेच तपास अधिकाऱ्याची साक्ष महत्त्वपूर्ण ठरली. सरकार पक्षाचा युक्तिवाद ग्राह्य धरून व न्यायालयासमोर सरकार पक्षाने सादर केलेल्या पुराव्यावरुन जिल्हा न्यायाधनीश जोशी यांनी आरोपीस दोषी धरून १५ वर्षे सक्तमजुरी व पाच हजार रुपये दंडाची शिक्षा सुनावली.

समाजविघातक कार्य केल्याने जास्तीत – जास्त शिक्षा द्यावी
पीडित मुलगी ही अल्पवयीन व मतिमंद असल्याने आरोपीने त्याचा गैरफायदा घेऊन समाजविघातक कार्य केले आहे. त्यामुळे आरोपीस जास्तीत जास्त शिक्षा देण्यात यावा, असा युक्तीवाद सहायक सरकारी वकील शैलजा क्यातम यांनी न्यायालयासमोर केला.

यात सरकारतर्फे ॲड. शीतल डोके, ॲड. शैलजा क्यातम, यांनी तर आरोपीतर्फे ॲड. आर. बी. बायस यांनी काम पाहिले.

क्रूरतेचा कळस गाठणारी घटना उघडकीस आली आहे. एका अल्पवयीन मुलीवर वयाच्या 12 वर्षी बलात्कार करण्यात आल्याची घटना उघडकीस आली आहे. उत्तर प्रदेशच्या (Uttar Pradesh) शाहजहांपूरमधून एक धक्कादायक प्रकरण समोर आलं आहे. ज्यामध्ये एका महिलेने 26 वर्षानंतर दोन सख्या भावांवर लैंगिक शोषण आणि बलात्काराचा गुन्हा दाखल केला आहे. बलात्कारानंतर महिलेने एका मुलाला जन्म दिला होता. त्या महिलेच्या म्हणण्यानुसार जेव्हा मुलगा मोठा झाल्यावर प्रश्न विचारू लागला तेव्हा न्याय मिळण्यासाठी तिने कायद्याचा दरवाजा ठोठावण्याचा निर्णय घेतला.

या महिलेच्या म्हणण्यानुसार, जेव्हा ती 12 वर्षांची होती तेव्हा तिच्याबरोबर हे सर्व घडले. यानंतर तिने एका मुलालाही जन्म दिला. मग बदनामी होण्याच्या भीतीने, हे मूल एका जोडप्यास संभाळण्यासाठी दिले गेले होते. शेवटी कसं तरी हे रहस्य समोर आलं. या महिलेच्या म्हणण्यानुसार जेव्हा मुलगा मोठा झाल्यावर प्रश्न विचारू लागला तेव्हा न्याय मिळण्यासाठी तिने कायद्याचा दरवाजा ठोठावण्याचा निर्णय घेतला.

महिलेच्या आरोपानुसार, जेव्हा ती 12 वर्षांची होती आणि तिच्या बहीण-भाऊजीच्या घरी राहत होती, तेव्हा शेजारी राहणाऱ्या दोन भावांनी तिला घरात एकटे पाहून एक दिवस तिच्यावर बलात्कार केला. यानंतरही त्याने तिला धमकावून लैंगिक छळ सुरूच ठेवले. जेव्हा ती गर्भवती झाली, तेव्हा डॉक्टरांनी गर्भपात करण्यास नकार दिला कारण ती खूपच लहान होती. त्यानंतर तिने एका मुलाला जन्म दिला. यानंतर तिच्या कुटुंबीयांनी मुलाला एका जोडप्याकडे संभाळण्यासाठी दिले.

पोलिस तपास सुरू, आरोपींची डीएनए चाचणी केली जाणार
या महिलेचे चार-पाच वर्षानंतर लग्न झाले. या महिलेला आणखी एक मुलगा झाला. पण लग्नाच्या काही वर्षानंतरच महिलेला लग्नाच्या अगोदर मुलगा झाल्याचे रहस्य तिच्या पतीसमोर उघड झाले. त्यानंतर पतीने तिला सोडून दिले. त्या महिलेच्या मुलाला दत्तक घेणाऱ्या जोडप्यानेही मुलगा महिलेला परत केला. मोठा मुलगा आता 24 वर्षांचा आणि लहान मुलगा 19 वर्षांचा आहे. मोठ्या मुलाने दहावीनंतर शिक्षण सोडले. त्याच वेळी, छोट्याने इंटरमीडिएट केले आहे. आता ही महिला लखनौमध्ये राहते.

जेंव्हा मुलगा मोठा झाला व त्याला समजले की तो अविवाहित आईचा मुलगा आहे आणि त्याच्या आईवर अत्त्याचार झाल्याचे कळले तेंव्हा मुलगा आईवर अत्त्याचार करणाऱ्यांची नावे विचारू लागला. त्याच्या आईवर अत्त्याचार झाल्याचे कळल्यावर तो अस्वस्थ झाला.

मुलाच्या वारंवार विचारल्या जाणाऱ्या प्रश्नांमुळे शेवटी पीडित महिलेने पोलिसात तक्रार दाखल करण्याचे ठरवले. घटना 26 वर्षापूर्वी घडली असल्याने पोलिसांनी तक्रार दाखल करून घेतली नाही. परंतु मुलगा न्याय मिळवण्यासाठी आग्रही होता. मुलाने आत्महत्त्या करण्याची धमकी दिल्याने पीडित महिलेने शेवटी न्यायालयात धाव घेतली. कोर्टाच्या आदेशानंतर आता 26 वर्षांनंतर पोलिसांनी बलात्काराचा हा गुन्हा दाखल केला आहे.

मुलाच्या न्यायासाठी लढाई सुरू
या महिलेचे म्हणणे आहे की तिला आशा आहे की तिला आणि मुलाला न्याय मिळेल. शाहजहांपूर एसपी सिटी संजय कुमार म्हणतात की, “न्यायालयाच्या आदेशानुसार हा गुन्हा दाखल करण्यात आला आहे आणि नियमांनुसार चौकशी केली जात आहे, आरोपींची डीएनए चाचणी केली जाईल.” पुराव्यांच्या आधारे कारवाई केली जाईल.

दि.4 : कायद्याचे रक्षण करणाऱ्याने भक्षक बनून अत्त्याचार केल्याची घटना घडली आहे. यामुळे पोलिसांची प्रतिमा डागाळली आहे. पोलिसांची खाकी वर्दी पुन्हा एकदा डागाळली आहे. गेल्या 15 दिवसापुर्वीच पारधी समाजाच्या एका महिलेचे अपहरण करून तिच्यावर पोलिसाने बलात्कार केल्याची घटना ताजी असतानाच उस्मानाबाद शहरातील हनुमान चौक येथील एका विवाहित महिलेला बंदुकीचा धाक दाखवत बलात्कार केल्याने त्या महिलेने गळफास घेऊन आपले जीवन संपवले आहे.

बलात्काराच्या सलग दोन प्रकरणात उस्मानाबाद पोलिसांचे कृत्य समोर आल्याने खाकीला पुन्हा एकदा डाग लागला आहे. दरम्यान, आत्महत्येस प्रवृत्त करणे व बलात्कार केल्या प्रकरणी हरिभाऊ कोळेकर या पोलिसाला बेड्या ठोकण्यात आल्या आहेत.

औरंगाबाद,दि.4 : वैद्यकीय पेशाला काळिमा फासणारी घटना घडली आहे. कोरोना बाधित महिलेवर डॉक्टरांनी बलात्काराचा प्रयत्न केल्याचा संतापजनक प्रकार घडला आहे. धक्कादायक घटना औरंगाबादहून समोर आली आहे. कोरोना सेंटरमध्ये डॉक्टरांनी रुग्णावर बलात्काराचा प्रयत्न केल्याचा प्रकार उघडकीस आला आहे. औरंगाबाद (Aurangabad Doctor) शहर पदमपुरा येथील कोरोना उपचार केंद्रावर ही घटना घडली आहे. या घटनेनंतर रुग्णांच्या संतप्त नातेवाईकांनी रूग्णालयात घुसून डॉक्‍टरला बेदम मारहाण केली आहे.

मिळालेल्या माहितीनुसार, डॉक्टराने पीडित महिलेचा मोबाइल नंबर मिळून दररोज तिला फोन करून त्रास द्यायचा असा आरोपही करण्यात आला आहे. बुधवारी सुट्टी देण्याच्या नावाखाली या महिलेला केबिनमध्ये बोलावलं. त्यानंतर एकांतात या डॉक्टरने तरूणीकडे शरीरसुखाची मागणी केल्याचंही समोर आलं आहे. या धक्कादायक प्रकरणाची चौकशी करण्याचे आदेश मनपा आयुक्त पांडे यांनी दिले आहेत. तसेच या घटनेनंतर डॉक्टरला रुग्णालयातून हटवण्यात आले आहेत.

त्यानंतर हा सगळा प्रकार उघडकीस आला. मात्र तरूणीने बदनामीपोटी पोलिसात तक्रार दिली नाही. मात्र महापालिला आयुक्तांना सगळं प्रकार सांगितला त्यानंतर त्या डॉक्टरची सेवा संपवण्यात आली आहे, मात्र कोरोना केंद्रावर ही महिला सुरक्षित नाही हे म्हणावं लागेल.

दि.25 : महिलांवरील अत्याचार वाढतच आहेत. अल्पवयीन मुली व महिलांवरील अत्याचार कमी होताना दिसत नाही. कायद्याची कठोर अंमलबजावणी करूनही अत्त्याचार कमी होत नाहीत. नागपूरमध्ये (Nagpur) धक्कादायक घटना घडली आहे. एका 16 वर्षांच्या अल्पवयीन मुलीचे हातपाय बांधून बलात्कार केल्याची घटना समोर आली आहे. धक्कादायक म्हणजे, पीडित मुलगी गर्भवती राहिल्यानंतर हे प्रकरण उघडकीस आले आहे.

नागपूर जिल्ह्यातील मौदा पोलीस स्टेशन हद्दीत ही घटना घडली आहे. पाच महिन्यापूर्वी घडलेली घटना आता समोर आली आहे. एका 31 वर्षीय युवकाने 16 वर्षीय मुलीचे हातपाय बांधून तिच्यावर अत्याचार केला. मुलगी गर्भवती राहिल्यानंतर ही घटना उघडकीस आली. याप्रकरणी मौदा पोलिसांनी अत्याचारासह विविध कलमान्वये गुन्हा दाखल करून अत्याचारी युवकाला अटक केली. विशाल मेश्राम, असे अटकेतील युवकाचे नाव आहे.

पाच महिन्यांपूर्वी पीडित मुलगी घरी एकटी होती. आरोपी विशाल हा मुलीच्या घरात घुसला. दोरीने तिचे हातपाय बांधले आणि तिच्यावर अत्याचार केला. याबाबत कोणाला सांगितल्यास ठार मारण्याची धमकी दिली.

काही दिवसांपूर्वी मुलीची प्रकृती खालावली. नातेवाइकांनी तिला हॉस्पिटलमध्ये दाखल केले. मुलगी गर्भवती असल्याचे डॉक्टरांनी मुलीच्या नातेवाइकांना सांगितले. नातेवाइकांनी विचारणा केली असता, आरोपी विशाल याने अत्याचार केल्याचे तिने नातेवाइकांना सांगितले. त्यानंतर मुलीसह नातेवाइकांनी मौदा पोलीस स्टेशन गाठले. विशाल याच्याविरूद्ध तक्रार दिली. मौदा पोलिसांनी विशाल याच्याविरूद्ध गुन्हा दाखल केला असून या प्रकरणाचा पुढील तपास सहाय्यक पोलीस निरीक्षक नंदा पाटील करीत आहेत.

दि.2 : महिलांवरील व मुलींवरील अत्याचारांच्या घटना दिवसेंदिवस वाढतच आहेत. लोकांची बिघडलेली मानसिकतेमुळे अशा घटना वारंवार घडत आहेत. एका अल्पवयीन मुलीवर 15 जणांनी 5 महिने अत्त्याचार केल्याची संतापजनक घटना घडली आहे. एक भयंकर घटना समोर आली आहे. एका 15 वर्षीय मुलीवर सलग 5 महिने तब्बल 17 जणांनी ब-ला-त्का-र केल्याची धक्कादायक घटना घडली आहे. पीडित मुलीवर गेल्या पाच महिन्यांपासून ब-ला-त्का-र, लैं-गि-क अत्याचार आणि तस्करी केल्याप्रकरणी आठ जणांना अटक करण्यात आली आहे. कर्नाटकच्या चिक्कमंगळुरूमध्ये ही घटना घडली असून आरोपींमध्ये मुलीच्या मावशीचाही समावेश आहे.

एका वरिष्ठ पोलीस अधिकाऱ्यांनी इंडिया टुडेला दिलेल्या माहितीनुसार, 15 वर्षांच्या मुलीवर सलग पाच महिने 17 जणांकडून ब-ला-त्का-र आणि लैं-गि-क अत्याचार करण्यात आले. यामध्ये मुलीची मावशी मुख्य आरोपी आहे. सर्वप्रथम जिल्हा बालकल्याण समिती सभापतींनी 30 जानेवारीला पोलीस ठाण्यात 17 जणांविरोधात बलात्कार आणि लैंगिक अत्याचाराची तक्रार दाखल केल्यानंतर हा गुन्हा दाखल करण्यात आला. पोलिसांनी दिलेल्या माहितीनुसार, पीडित मुलगी दगड फोडणाऱ्या युनिटमध्ये काम करत असताना गिरीश नावाच्या एका बसचालकासोबत ओळख झाली.

गिरीशने मुलीवर ब-ला-त्का-र आणि लैं-गि-क अत्याचार केले. त्यानंतर गिरीशने तिचा नंबर अभी नावाच्या आरोपीला दिला. त्यानेही तिच्यावर बलात्कार केला. अभीने पीडितेचे फोटो, व्हिडीओ काढले आणि ब्लॅकमेल केलं. नंतर त्याच्या मित्रांनीही पीडितेवर ब-ला-त्का-र केल्याची माहिती पोलिसांनी दिली आहे. तसेच पीडित मुलगी आईचा मृत्यू झाल्यानंतर मावशीसोबत राहत होती. आरोपींची ओळख पटली असून यामध्ये अभी, गिरीश, विकास, मनीकांता, संपथ, अश्वतगौडा, राजेश, अमित, संतोष, निरंजन, नारायण गौडा, अभी गौडा, योगेश, मुलीची मावशी आणि काहींचा समावेश आहे.

दि.25 : एका राष्ट्रीय बँकेच्या मॅनेजरने शैक्षणिक कर्ज मंजूर करून देतो म्हणून 16 वर्षीय विद्यार्थिनीवर ब-ला-त्का-र केल्याची घटना घडली आहे. विद्यार्थिनीला उच्चशिक्षण घ्यायचे होते, त्यासाठी पैशांची गरज होती, नेमके याचाच गैरफायदा घेत बँक मॅनेजरने विद्यार्थिनीवर अत्याचार केला.

मध्य प्रदेशातील इंदूरमध्ये 53 वर्षीय बँक मॅनेजरचे दुष्कृत्य उघडकीस आले आहे. शैक्षणिक कर्ज देण्याचे प्रलोभन देत बँक मॅनेजरने 16 वर्षीय विद्यार्थिनीवर ब-ला-त्का-र केला. या घटनेचा व्हिडिओही त्याने शूट केला. व्हिडिओच्या माध्यमातून तो पीडितेला ब्लॅकमेलही करत होता.

आरोपी परविंदर सिंह एका राष्ट्रीय बँकेत मॅनेजर आहे. तीन वर्षे इंदूरमध्ये राहिल्यानंतर त्याची बदली मोहाली येथे झाली. पोलिसांनी पीडितेच्या तक्रारीनंतर त्याला रविवारी इंदूर विमानतळावर अटक केली. एका मैत्रिणीच्या माध्यमातून परविंदर सिंह याच्याशी ओळख झाली होती. 2019 मध्ये परविंदर सिंह याने कर्ज मिळवून दिल्याचे तिने मला सांगितले होते. तुलाही कर्ज मिळू शकते, असे ती म्हणाली होती.

मला उच्चशिक्षण घ्यायचे होते, त्यामुळे आरोपीच्या भूलथापांना मी बळी पडले. माझ्या मैत्रिणीने परविंदर सिंह आणि माझी भेट घडवून आणली. त्यानंतर त्याच्याशी बोलणे सुरू झाले. ऑगस्ट 2020 मध्ये त्याने मला एका हॉटेलात नेले. तिथे माझ्यावर बलात्कार केला. त्या घटनेचा व्हिडिओही शूट केला. त्याद्वारे मला तो ब्लॅकमेल करू लागला. तो मला तीन दिवसांसाठी गोव्यालाही घेऊन गेला होता. तेथेही त्याने माझ्यावर बलात्कार केला, असे पीडितेने सांगितले.

काही दिवसांपूर्वी पीडितेने आपल्या शिक्षिकेला मेसेज करून आत्महत्या करत असल्याचे सांगितले. शिक्षिकेने तात्काळ ही माहिती तिच्या पालकांना दिली. तिची समजूत काढण्यात आली. समुपदेशनावेळी तिने लैंगिक शोषण झाल्याचे सांगितले. 20 जानेवारी रोजी तुकोगंज पोलिसांत कुटुंबीयांनी धाव घेतली आणि आरोपी बँक मॅनेजरविरोधात तक्रार दाखल केली. चौकशीदरम्यान या गुन्ह्यात तिची मैत्रिणही सामील असल्याचे स्पष्ट झाले. तिलाही याप्रकरणात सहआरोपी केले. तिला अटक करून बालसुधारगृहात रवानगी केली.

पीडितेच्या माध्यमातूनच आरोपी परविंदरला मोहाली येथून इंदूरला बोलावण्यात आले. साध्या वेषात तैनात असलेल्या पोलिसांनी त्याला विमानतळावरच अटक केली. त्याची चौकशी करण्यात येत आहे. त्याचा मोबाइल जप्त करण्यात आला आहे.