Tag: अक्कलकोट

अक्कलकोट, दि. 18 : प्रतिनिधी
आमच्या गावातून बुलेट ट्रेन जाते याचा आनंद आहे; मात्र अक्कलकोट तीर्थ क्षेत्राच्या ठिकाणी थांबा मिळावा असा सुर सामाजिक सर्वेक्षणातून स्पष्ट होत आहे. दरम्यान मुंबई ते हैद्राबाद बुलेट ट्रेन होणार असल्याने या अनुषंगाने सोलापूर जिल्ह्यात लोकराज्य कंपनीकडून सामाजिक सर्वेक्षणास प्रारंभ झालेला आहे. गेल्या दोन दिवसापूर्वी उत्तर सोलापूर तालुक्यातील तिर्‍हे येथे सर्वेक्षण करण्यात आले आहे.

लोकराज्य कंपनीची टिम रविवारी सकाळी 10.30 च्या दरम्यान तालुक्यातील कर्जाळ गावात सामाजिक सर्वेक्षण कामास प्रारंभ करण्यात आला. जिल्हा समन्वयक डॉ. अर्पणा कांबळे यांच्या मार्गदर्शनाखाली सोलापूर निरीक्षक अजय हक्के, सदस्य सचिन कानडे, शिवराज चौगुले, पद्मशिल जैनजांगडे यांनी बुलेट ट्रेनचे ड्रोन द्वारे झालेल्या सर्र्वे प्रमाण कर्जाळ गावातील ज्या शेतकर्‍यांची शेती बाधित होणार आहे. यांची यादी वाचून उपस्थित शेतकर्‍यांचे आधार कार्ड, फोटो, उतारे घेण्यात आले. व सहापानी अर्ज भरून घेण्यात येऊन यामध्ये बाधित शेतकर्‍यांना आर्थिक अथवा नोकरी, घरातील बेरोजगारांना स्किल ट्रेनिंग अशा बाबींची माहिती भरून घेण्यात आली.

सदर बुलेट ट्रेनचा प्राथमिक सर्वे असून यामध्ये शेतकर्‍यांच्या शंकेचे देखील निरसन करण्यात आले आहे. संपादित जमिनीचे मालक, गट क्रमांक, फोड, दुरूस्ती, नोंदी बद्दल त्रुटी यानंतर च्या नवीन उतराच्या माध्यमातून ज्या त्या गावातील सामाजिक जिवन या बाबी सर्वेक्षणाच्या माध्यमातून होणार असल्याचे टीम लोकराज्य ने सांगितले. शेतकर्‍यांचे प्रश्नी त्वरीत दखल घेऊन सर्वेक्षणाच्या माध्यमातून अडीअडचणी सोडविले जात आहेत.

सोलापूर जिल्ह्यातील 63 गावातून बुलेट ट्रेन जात आहे. अक्कलकोट तालुक्यातील कर्जाळ, कोन्हाळी, हसापूर, अक्कलकोट ग्रामीण, ममनाबाद, निंमगाव, हत्तीकणबस, चिक्केहळ्ळी, सलगर, या 9 गावांचा समावेश आहे. सदर जिल्ह्यातील विविध तालुक्यातील ज्या गावामध्ये सामाजिक सर्वेक्षण सुरू झालेला आहे. त्या ठिकाणी लोकराज्य संस्थेला जिल्ह्यातील तीर्थ क्षेत्राच्या स्थळी बुलेट ट्रेनला थांबा देण्यात यावा, असा सुर या सर्वेक्षणाच्या माध्यमातून होत आहे.

या प्रसंगी कर्जाळ गावचे सरपंच बशीराबी बागवान, उपसरपंच मिनाक्षी ढब्बे, माजी सरपंच व उद्योगपती, प्रगतशील शेतकरी चंद्रकांत इंगळे, मल्लिनाथ ढब्बे, ग्रामपंचाय सदस्य गुरूशांतप्पा दुलंगे, सिध्दाराम पाटील, सिध्दाराम फताटे, जयश्री पाटील, रजाबी बागवान, पोलीस पाटील रुपाली इंगळे, सैपन नदाफ, ज्ञानेश्वर भोसले (अक्कलकोट), विशाल गायकवाड यांच्यासह शेतकरी वर्ग बहुसंख्येने उपस्थित होते.

5 गावातील 95 उतारे; नावे, 583 जण
कर्जाळ- 11 उतारे 69 जण; अक्कलकोट- 39 उतारे 148 जण; ममनाबाद- 3 उतारे 10 जण; निंमगाव – 4 उतारे 35 जण; सलगर- 38 उतारे 305 जण.

मोबदला
अक्कलकोट ते सोलापूर या चौपदरी रस्त्यामध्ये बाधित जमिनींना चांगला मोबदला मिळाला असल्याने बुलेट ट्रेन या प्रायोजनार्थ मिळाणार? याबाबत सर्वत्र चर्चा होत आहे.

जिकरीचे काम
सामाजिक सर्वेक्षण होत असताना उतारे एक यावर नावे अनेक असे काही प्रमाण असल्याने सदर व्यक्ती पोटापाण्यासाठी परगावी गेलेली असल्याने त्यांचे फॉर्म भरून घेण्यास अडचण येत आहेत. आहे ते अन्य जणांबाबत माहिती देण्यास टाळा टाळ करत असल्याचे समोर आले आहे.

जिल्ह्यातील तीर्थ स्थळी थांबा हवाच
सोलापूर जिल्ह्याला पवित्र चार धाम म्हणून ओळखले जाते, या जिल्ह्यातील तीर्थ क्षेत्राच्या ठिकाणी दरररोज हजारों भाविक येतात. बुलेट ट्रेनच्या मार्गावर ज्या त्या ठिकाणी तीर्थ क्षेत्र आहेत. जिल्ह्यातील अशा तीर्थ क्षेत्राच्या ठिकाणी थांबा द्यावाच असा देखील सूर या सामाजिक सर्वेक्षणाच्या माध्यमातून निदर्शनास येत आहेत.

कार्य शाळा घ्यावी
बुलेट ट्रेन करिता ज्या प्रमाणे विविध सर्वेक्षण करण्यात येते त्याप्रमाणे बाधित मूळ उतार्‍यावरील नावे असलेल्यांना करिता कार्य शाळा घ्यावी, यामध्यमातून सदर बुलेट ट्रेन करण्याबाबतची सर्व ती माहिती द्यावी, असे गावगावातून बोलले जाते.

उत्सुक्ता
बुलेट ट्रेन, मार्ग, थांबा, रोजगार, व्यवसाय, वेळेची बचत, होणारे फायदे, विकास, अच्छे दिन, तालुक्याचे होत असलेले नगरोत्थान याबाबतचे चर्चा होताना दिसत आहे.

कायपालट होईल
आजवर विकासाचे काय झाले, ही चर्चा न करता विविध अंगी विकास कामांना चालना मिळत असताना या पुढील काळात सकारात्मक पाऊल तालुक्याच्या दृष्टीने असल्याने याचे स्वागत सर्वानींच करावे. असे मत प्रतापराव भोसले यांनी व्यक्त केले.

अक्कलकोट,दि.10 : राज्यातील टॉप टेनमधील तीर्थक्षेत्र म्हणून श्रीक्षेत्र अक्कलकोट (Shrikshetra Akkalkot as one of the top ten pilgrimage sites in the state) असताना ही येथील राज्य परिवहन महामंडळाचे बसस्थानक हे मोकाट जनावरांचा गोठा बनले आहे. बसस्थानकात छताला गळती, अस्वच्छता, जनावरांची विस्टा, पावसाचे साचलेले पाणी या दुरावस्थेचे भोग कधी थांबतील? याच्या पाठपुराव्याकरिता कोण वाली आहे की नाही की विकासाकरिता मुहूर्तच मिळत नाही? अस्वच्छता, मोडकळीस आलेली अवस्था पाहुन संबधित अधिकारी पुढारी स्वस्थ बसतातच कसे असा प्रश्न स्वामी भक्तांतुन होत आहे.

नजीकचे तीर्थक्षेत्र असलेले पंढरपूर, तुळजापूर येथील बसस्थानके नव्याने झाली. मात्र अक्कलकोटची (Akkalkot) स्थिती भयावह, जैसे थे!, गेल्या 49 वर्षापूर्वीचे बसस्थानक मोडकळीस आलेले असून, स्वामी भक्त, स्थानिक, विद्यार्थी, प्रवाशी यांच्याकडून बसपोर्ट होण्याची मागणी होत आहे. सदरचे बसस्थानकाचे अवस्थेमुळे श्रीक्षेत्र अक्कलकोटची अब्रूची लख्तरे वेशीवर आलेली आहेत.

श्रीक्षेत्र अक्कलकोटला इतिहास आहे. श्री स्वामी समर्थांच्या (Shri Swami Samartha) पदस्पर्शाने पावन पुण्यभूमीस राज्यसह देश, परदेशातून स्वामीं भक्तांची गर्दी वाढत चाललेली आहे. मात्र सोयीसुविधा कोणत्याच नाहीत. यामध्ये, बसस्थानकाने कहर केलेला आहे. बसस्थानकात प्रवाशांना बसण्यासाठी आसन व्यवस्था व्यवस्थीत नाही, पोलीस चौकी, पिण्यांच्या पाण्याची सोय, उपहारगृह, हिरकणीकक्ष, आरक्षण केंद्र, अधिकारी दालन, चालक वाहक विश्रांती कक्ष, मोठ्या प्रमाणात दुर्गंधी, मोकाट जनावरे, अतिक्रमण, विजेची व्यवस्था, उद्घघोषणा, फलाटांचा अभाव, आगारात वाहक व चालकांची संख्या कमी, निकामी बसेस मोठ्या प्रमाणात, ग्रामीण भागासह लांबपल्ल्यांच्या बसेस अवेळी, फलांटापेक्षा बसस्थानक आवारात विविध दुकानेच अधिक झालेली आहेत. अशा एक ना अनेक सुविधांचा आभाव असलेले राज्य परिवहन महामंडळांकडून दुर्लक्षीत बसस्थानक व आगार आहे.

राज्यासह विविध राज्याच्या आगारातून रा.प.म. बसेस दररोज 100 हून अधिक येतात. येणार्‍या चालक व वाहकांबरोबरच बस पार्किंग करिता श्री स्वामी समर्थ अन्नछत्र मंडळाकडून अद्यावत वाहन तळ व विश्रांती कक्ष केल्याने रा.प.म. कर्मचार्‍याकडून समाधान व्यक्त होत आहे. सदरची व्यवस्था नसली असती तर आम्ही आलोच नसतो, असे आलेल्या चालक व वाहकांतून आवर्जून सांगण्यात येते. दररोज 500 किलोमिटरहून अधिक अंतरावरून लांब पल्ल्याच्या बसेस चालक व वाहक घेऊन येतात. मात्र बसस्थानकातील अवस्था बघून नाराजी व्यक्त केली जात आहे.

राज्य परिवहन मंडळाचे अध्यक्ष, पालकमंत्री यांनी लक्ष घालून बसपोर्ट होण्याकामी तात्काळ पाऊले उचलण्याची मागणी जोर धरत आहे. बसस्थानका करिता कोट्यावधी रुपयांची तरतूद करण्यात आलेली आहे. यामध्ये श्रीक्षेत्र अक्कलकोटचे बसस्थानक घेण्यात यावे व अद्यावत सोयीसुविधा प्रशांना मिळण्याकरिता बसपोर्ट निर्मिती व्हावी, बसस्थानक व आगाराची जागा मोठ्या प्रमाणात असताना देखील याकडे दुर्लक्ष केले जात आहे. याबाबत एस.टी. प्रशासन, जिल्हा प्रमुख विभागीय नियंत्रक, सोलापूर विभाग यांनी तात्काळ सद्य परिस्थिती वरिष्ठांना कळवून गेल्या अनेक वर्षापासून असलेली प्रवाशांची मागणी पूर्ण करावी अशी आग्रही मागणी होत आहे.

बसस्थानक अद्यावत करण्याची गरज :
अक्कलकोट बसस्थानकाचे सन 1972 साली उद्घाटन करण्यात आले. त्यावेळी करमाळ्याचे नामदेवराव जगताप एस.टी. महामंडळाचे सदस्य होते. तर महाव्यवस्थापक म्हणून पी.जी. साळवी हे होते. अक्कलकोट बसस्थानकाची 49 वर्षानंतरही डागडुजी वगळता कुठलाही मोठा विकास झालेला नाही. ना प्लॅटफार्म वाढविले, ना स्वच्छता गृहाची संख्या वाढविली, पिण्याच्या पाण्याची सोय नाही. दिवसेंदिवस अक्कलकोट बसस्थानकात कचराकुंडी व घाणीचे साम्राज्य पहायला मिळत आहे. मोकाट जनावरांचा गोठा, इमारत जुनी झालेली असून अपघात होण्याची शक्यत असल्याने प्रवाशांच्या जीवार बेतण्याची शक्यता नाकारता येत नाही.

अक्कलकोट,दि.6 : प्रकल्प संचालक संजय कदम यांच्या सचोटी-चिकाटी या कार्य पध्दतीमुळे अक्कलकोट ते सोलापूर या महत्त्वकांक्षी रस्त्याचे काम अंतिम टप्प्यात आले असल्याचे सांगून नोव्हेंबर 2021 मध्ये लोकार्पण होईल असे प्रतिपादन खासदार डॉ. शिवाचार्य जयसिध्देश्वर महास्वामीजी यांनी केले. राष्ट्रीय महामार्ग मंत्रालय अंतर्गत भारतमाता प्रयोजनातून साकारत असलेल्या अक्कलकोट ते सोलापूर या रस्त्यावर श्रीक्षेत्र अक्कलकोटनजीक सदरच्या दुतर्फा वृक्षारोपण शुभारंभ कार्यक्रमाप्रसंगी खा. डॉ. जयसिध्देश्वर महास्वामीजी हे बालत होते.
या कार्यक्रमास तहसिलदार अंजली मरोड, प्रकल्प संचालक संजय कदम, शिवसेना तालुका प्रमुख संजय देशमुख, भाजपा शहर अध्यक्ष शिवशरण जोजन, न.प.पक्षनेता महेश हिंडोळे, टिम लीडर साहुजी पाटील, प्रोजेक्ट व्यवस्थापक पवनकुमार श्रीवास्तव, रमेश कापसे, अंकुश चौगुले, आतिष पवार, राहुल गाडे, खंडप्पा वग्गे आदीजण उपस्थित होते.

खा. डॉ. महास्वामीजी बोलताना म्हणाले, पर्यावरण संरक्षणात योगदान देणे गरजेचे आहे. यामुळेच देश महान बनणार असल्याचे सांगून महास्वामीजी यांनी सोलापूर ते हैदराबाद रस्ता कधी पूर्ण होणार माहिती नाही, मात्र अक्कलकोट ते सोलापूर या रस्त्याचे काम 90 टक्के पुर्ण झालेले आहे. नोव्हेंबर 2021 मध्ये सदरचा रस्ता हा पंतप्रधान नरेंद्र मोदी व केंद्रीय रस्ते वाहतुक मंत्री नितीन गडकरी यांच्या हस्ते लोकार्पण होणार असल्याचे महास्वामीजी यांनी सांगितले. यावेळी शिवसेना तालुका प्रमुख संजय देशमुख यांनी अक्कलकोट ते सोलापूर या रस्त्याच्या कामाचे कौतुक करुन प्रकल्प संचालक संजय कमद यांनी नेहमीच या रस्त्याबाबत सकारात्मक भूमिका घेतल्याने आज सदरचे काम अंतिम टप्प्यात असल्याचे देशमुख यांनी सांगितले. स्वागत, प्रास्ताविक व सूत्रसंचलन राष्ट्रीय महामार्गाचे जनसंपर्क अधिकारी अनिल विपत यांनी केले. तर आभार प्रशांत कुलकर्णी यांनी मानले.

तीर्थक्षेत्र अक्कलकोटला रिंगरोड
सध्या अक्कलकोट ते सोलापूर रस्त्याचे काम अंतिम टप्प्यात आहे. याच रस्त्यावर तीर्थक्षेत्र अक्कलकोट नजीकहून रिंगरोडच्या प्रस्तावाला येत्या पंधरा दिवसात हिरवा कंदील मिळणार असून मुंबई-सुरत-चैन्नई या देखील रस्त्याच्या कामाला लवकरच प्रारंभ होणार आहे.

संजय देशमुख ‘कुबेर’
आपल्या भाषणातून खा. डॉ. जयसिध्देश्वर महास्वामीजी यांनी शिवसेना तालुका प्रमुख संजय देशमुख यांचे नाव घेताना ‘कुबेर’ संजय देशमुख असा नामोल्लेख करताच उपस्थित अवाक झाले.

100 मिटरचा रस्ता सिमेंटचा करणार :
प्रकल्प संचालक संजय कदम यांनी सांगितले की, ना.नितीन गडकरी हे तीर्थक्षेत्र अक्कलकोटला विकासाकरिता महत्त्व देवून विविध योजनेच्या माध्यमांतून रस्ते देत आहेत. माझ्या अभियंता पदवीनंतर पहिली नियुक्ती श्रीक्षेत्र अक्कलकोटला झाली. आज प्रकल्प संचालक म्हणून कार्यरत आहे. त्यावेळी माझ्या काळात अन्नछत्र मंडळ ते सोलापूर बायपास माझ्या काळात झाल आहे. मंदिरानजीकचा 100 मीटरचा रस्ता तेवढा सिमेंटचा करुन देण्यात येणार असल्याचे सांगून श्रीक्षेत्र अक्कलकोटचा विकासाकरिता आणखीन कामे घेऊ असे यावेळी सांगितले.

अक्कलकोट ते सोलापूर रस्त्यावर हायमॅक्सची मागणी संजय देशमुख यांनी ब्यॅगेहळ्ळी फाटा येथे हायमॅक्स दिवा लावण्याची मागणीचे निवेदन प्रकल्प संचालक संजय कदम, प्रोजेक्ट व्यवस्थापक पवनकुमार श्रीवास्तव यांच्याकडे देण्यात आले.

अक्कलकोट,दि.४ : येथील कुंभार गल्लीतील श्री चौडेश्वरी देवी चँरिटेबल ट्रष्ट च्यावतीने सालाबादाप्रमाणे होणारी ग्रामदैवत श्री चौडेश्वरी देवीची यात्रा यंदाच्या वर्षी कोरोना महामारीमुळे रद्द करण्यात आली आहे.

यंदाची श्री चौडेश्वरी देवीची यात्रा दि. ८ जून चतुर्दशी पासून, दि. ९ जून अमावस्या व दि. १० जून पर्यंत असे तीन दिवस साजरा होणार होती. परंतु  देशभरात कोरोना रोगाचा प्रादुर्भाव वाढत आहे. तसेच शासन व जिल्हाधिकारी यांच्या आदेशानुसार धार्मीक यात्रेवर बंदी घातले आहे. त्यामुळे या वर्षाची यात्रा रद्द करण्यात आली आहे. तरी सर्व भक्तानी याची नोंद घ्यावी. यात्रे दिवशी मंदिरा कडे कोणीही येण्याचे प्रयत्न करु नये. सर्व सदभक्तांनी आप-आपल्या घरीच देवीच्या प्रतिमेचे पूजन करावे, असे आवाहन ट्रस्टचे अध्यक्ष काशीनाथ कुभांर व सचिव प्रा. सुर्यकांत कडबगावकर यांनी केले आहे.

याञा रद्द करण्यात आल्याचे लेखी निवेदन अक्कलकोट उत्तर पोलीस ठाण्याचे पोलीस निरीक्षक गोपाळ पवार यांना देण्यात आले आहे.

या वेळी सहसचिव श्रीशैल कुंभार, खजिनदार शरणप्पा कुंभार, सदस्य शिवानंद कुंभार, शिवशंकर कुंभार, विश्वनाथ कुंभार, सुरेश कुभांर,पुजारी अबंण्णा कुंभार, विरपाक्ष कुंभार, चिदानंद कुंभार, मल्लिनाथ कुंभार आदि उपस्थित होते.

अक्कलकोट,दि.31 : अक्कलकोट तालुक्यातील कल्लहिप्परगे येथे रविवारी अचानक रानगव्याचे आगमन झाल्याने परिसरात एकच खळबळ उडाली आहे. रानगवा ऊसात असल्याचे वन अधिकार्‍याकडून सांगण्यात आले आहे. शिवसनेचे तालुका उपप्रमुख आनंद बुक्कानुरे यांनी संबंधित वनविभाग व जिल्हाधिकारी कार्यालयाला माहिती दिली. तेव्हा त्वरित वनविभाग व पोलीस प्रशासन दखल घेत संपूर्ण परिसर सील केले. संबंधित यंत्रणा कल्लहिप्परगे गावात पोहचताच रानगव्याचा धुमाकुळ सुरु झाला. गव्याला पकडण्यासाठी गावकरी, वनविभाग व पोलीस प्रशासन शर्तीचे प्रयत्न करताना दिसून येत होते.

तेव्हा या परिसरात एकच गोंधळ सुरु झाला. परिसरात भितीचे वातावरण निर्माण होऊन नागरिक गावाकडे पळ काढताना दिसून येत होते. तेव्हा संबंधित वन विभाग व पोलीस परिसरातील गावांना अलर्ट करताना दिसून येत होते. परिसरात ऊसाची शेती असल्याने ऊसात गवा आश्रय घेतल्याचे सांगण्यात आले. सायंकाळी उशीरापर्यंत गव्याला पकडण्यासाठी वन विभाग व पोलीस प्रशासनाचा शर्तीचे प्रयत्न सुरु होते. उप वन संरक्षण अधिकारी धैर्यशील पाटील व वन परिक्षेत्र अधिकारी जयश्री पवार यांच्या मार्गदर्शनाखाली वनविभाग टीम मध्ये वनापल शंकरराव कुताटे, वनरक्षक गंगाधर विभुते, पी.एन. बादणे, वनपाल पी.एन. डोंगरे अक्कलकोट, वनरक्षक संदिप मेंगाळ आदी सहकारी उपस्थित होते.

तसेच पोलीस अधिक्षक तेजस्वी सातपुते, उपविभागीय पोलीस अधिकारी संतोष गायकवाड यांच्या मार्गदर्शनाखाली दक्षिण पोलीस स्टेशनचे पोलीस निरीक्षक राजेश गवळी यांच्या नेतृत्वाखाली मल्लिनाथ कलशेट्टी, संजय पांढरे, भाऊ सरवदे, लक्ष्मण कांबळे गोलू बिराजदार, पोलीस पाटील संतोष गुजा व शिवसेनेचे तालुका उपप्रमुख आनंद बुक्कानुरे यांनी गावपातळीवरील शिवसेना कार्यकर्त्यांना मदतीला घेऊन वनविभाग व पोलीस प्रशासनाला मदत करत होते. यामध्ये अनिल गुजा, भिमाशंकर भैरुणगी, माळप्पा पुजारी, अमोगी शिंगे, विद्याधर शिंगे, पंडित मोरे, यल्लप्पा मोरे, सिध्दु कोटी, लक्ष्मण हडपद, राकेश मणुरे, सुरेश आलुरे, श्रीपती मोरे, नितीन मोरे, शिवराय मोरे, रघु मोरे, संजय सुतार, शांतु पट्टणशेट्टी, मुनाफ चिरके व गावातील बहुसंख्य तरुण वर्ग आदी उपस्थित होते.

जेरबंद करू
सदरचा गवा हा नजीकच्या कर्नाटक राज्यातून आल्याचे स्पष्ट होत आहे. याचे ठस्याचे परिक्षण करण्यात आले असून तो गवाच आहे. ग्रामस्थांनी व पंचक्रोशीतल नागरिकांनी घाबरून जाऊ नये. ज्यांना याबाबतची माहिती मिळताच त्यांनी आमच्याशी संपर्क करावे.
-पी.एन डोंगरे, वनपाल अक्कलकोट तालुका

संपूर्ण शिवाराची पाहणी

उप वनसंरक्षण अधिकारी धैर्यशील पाटील व वन परिक्षेत्र अधिकारी जयश्री पवार यांच्या मार्गदर्शनाखाली संपूर्ण कलहिप्परगे शिवारासह पंचक्रोशीची पाहणी करण्यात आली असून, या गव्याला पकडण्यासाठी संपूर्ण वन विभागाची टिम कार्यरत असून, शेतकर्‍यांनी वर्णन सांगितल्याप्रमाणे तो गवा च आहे. त्याला लवकरच जेरबंद करू.
शंकरराव कुताटे, वनपाल सोलापूर

पंचक्रोशील नागरिकांनी भयभीत होऊ नये

सदरच्या गव्याला पकडण्यासाठी वनविभाग रविवारी दुपारपासून कार्यरत असून त्यांच्या मदतीला अक्कलकोट दक्षिण पोलीस प्रशासन कार्यरत आहे. ग्रामस्थांनी गव्याची माहिती मिळताच संपर्क करावे. प्रशासनाने दिलेल्या माहितीनुसार त्यांना ग्रामस्थांकडून सहकार्य अपेक्षित आहे. ते आपण सर्वांनी करू या अन् गव्याला जेरबंद करू या.
आनंद बुक्कानवरे, तालुका उपप्रमुख शिवसेना

अक्कलकोट,दि.३० : अक्कलकोट तालुक्यात ऑक्सीजन अभावी कोरोना रुग्णांची होणारी गैरसोय पाहून माजी आमदार शिवशरण बिराजदार-पाटील यांच्या वाढदिवसानिमित्त हॅप्पी टू हेल्प फाऊंडेशन व हिंद केसरी कै. गणपतराव कृष्णाजी पाटील आंधळकर
यांचे स्मरणार्थ त्यांचे कुटुंबीयांकडून त्यांच्या पत्नी सुनेत्रा गणपतराव पाटील आंधळकर, मुलगा अभिजीत गणपतराव आंधळकर, सुन ममता अभिजीत आंधळकर यांचेकडून श्री स्वामी समर्थ मंदिर कोविड सेंटर येथे दोन ॲाक्सिजन कॅान्सेनट्रेटर मशिन भेट देण्यात आले.

ऑक्सीजन कॅान्सेनट्रेटर मशीनमुळे रुग्णांबरोबरच आरोग्य विभागाला देखील दिलासा मिळणार आहे. ऑक्सीजन कॉन्सेनट्रेटर मशीन भेट दिल्याने त्यांचे कौतुक होत आहे. शहर व तालुक्यात दैनंदीन कोरोना रुग्णांची संख्या वाढत आहे. कोरोना रुग्णांना सेवा देत असतांना आरोग्य विभागाच्या कर्मचाऱ्यावर ताण वाढला आणि पुरेशा प्रमाणात ऑक्सीजन उपलब्ध होत नसल्यामुळे चिंतेत भरच पडली होती. समाजसेवक विजयकुमार चव्हाण यांनी कोविड सेंटर मधील गरज लक्षात घेत विजयकुमार चव्हाण व त्यांच्या मित्रपरिवाराने एक लाख रुपयाचे दोन ऑक्सिजन मशीन शनिवार २९/०५/२०२१ रोजी ग्रामिण रुग्णालयाचे वैधकीय अधिक्षक डॉ. अशोक राठोड यांच्याकडे हे दोन ॲाक्सिजन कॅान्सेनट्रेटर सुपुर्द केले. प्रति मिनिट पाच लिटर ऑक्सीजन निर्मितीची क्षमता असलेल्या ह्या मशीनमध्येच ऑक्सीजन तयार होतो. श्वास घेण्यास त्रास होणाऱ्या कोरोना रुग्णांना आणि रुग्णांबरोबरच आरोग्य विभागाला देखील दिलासा मिळणार आहे.

पहिल्या लाटेत कोरोनाचा प्रादुर्भाव वाढल्याने सर्वत्र हाहाकार माजला होता. त्यावेळी शासनाने लॉकडाऊन व संचारबंदी लागु केली होती. गोरगरीब जनतेची उपासमार झाली होती अशा या वाईट प्रसंगी समाजसेवक विजय कुमार चव्हाण यांनी प्रत्येक कुटुंबाला पाच किलो गहू व पाच किलो तांदूळ असे हजारो लोकांना त्यावेळी मदत केली होती.

दुसऱ्या लाटेत अक्कलकोट शहर व तालुक्यात कोरोनाचे रुग्ण मोठ्या प्रमाणात आढळून येत आहे. याची दखल घेऊन कोरोना सेंटरला ऑक्सीजन कॉन्सेनट्रेटर मशीन भेट देऊन समाजिक बांधिलकी जपली आहे. यावेळीहॅप्पी टू हेल्प फाऊंडेशनचे अध्यक्ष मदन पोलके, दिपक उपासे, संतोष राठोड, सोरेगावचे प्रगतशील शेतकरी व सामाजिक कार्यकर्ते सिद्धेश्वर पाटील वैद्यकीय अधीक्षक अशोक राठोड, तालुका वैद्यकीय अधिकारी अश्विन करंजखेड आदी उपस्थित होते.

कोविडचे रुग्ण संख्या वाढत असताना आरोग्य यंत्रणेवर ताण पडत आहे. अशातच हॅप्पी टू हेल्प फाऊंडेशनचे अध्यक्ष मदन पोलके व विजय चव्हाण, दिपक उपासे, संतोष राठोड, सिद्धेश्वर पाटील यांनी दोन ऑक्सीजन कॅान्सेनट्रेटर मशीन कोविड सेंटरला भेट दिल्याने रुग्णाबरोबर आरोग्य कर्मचाऱ्यांनासुद्धा या ॲाक्सिजन कॅान्सेनट्रेटर मशिनमुळे मदत नक्कीच होणार आहे.
वैद्यकीय अधीक्षक डॉ. अशोक राठोड – ग्रामीण रुग्णालय अक्कलकोट

या कोरोनाच्या वाईट काळात वाढदिवसा करिता हार-तुर्रे, फेटा, सत्कार यासाठी खर्च करण्यापेक्षा या लॅाकडाऊनमुळे अनेकांना मदतीची गरज भासत आहे त्या गरजू लोकांना मदत करावी. १/६/२०२१ रोजी ‘शिवरथ निवास’ विशाल नगर विजापूर रोड जुळे सोलापूर येथे आयोजित केलेल्या रक्तदान शिबिरात बहुसंख्य लोकांनी सहभाग नोंदवून आपण आपली सामाजिक बांधिलकी जपावी असे आवाहन माजी आमदार शिवशरण बिराजदार-पाटील यांनी केले आहे.

अक्कलकोट,दि. ९ : येथील बुधवार पेठेतील श्री स्वामी समर्थ समाधी मठात श्री स्वामी समर्थ महाराजांचा १४३ वा पुण्यतिथी सोहळा भक्ताविना अगदी साधेपणाने  कार्यक्रमाने पार पडला.

स्वामी समर्थांच्या पुण्यतिथीनिमित्त  कोरोना संसर्गाचे गांभीर्य लक्षात घेता शासन व जिल्हाधिकारी यांच्या आदेशानुसार दि. ३० एप्रिल पासून समाधी मठ बंद ठेवण्याचे आदेश असल्याने श्री चोळप्पा महाराजांचे वंशज असलेल्या अन्नू पुजारी व परिवार शिवाय अन्य भाविकांना या सोहळ्यात सहभागी होता आले नाही. दरम्यान मठात पहाटे काकडा आरती, महारुद्राभिषेक, पूजा, नैवेद्य आरती व प्रसाद वाटप करण्यात आले.  

अन्नू महाराज पुजारी, अनुप पुजारी व पुजारी परिवार यांच्या उपस्थितीत अभिषेक, पुष्पमाला वाहून, जयजयकाराने पुण्यतिथी सोहळा कार्यक्रम संपन्न झाला. यानंतर श्रींची नैवेद्य आरती संपन्न झाली. अशा प्रकारे यंदा कोरोनाच्या सावटाखाली संपन्न झालेले श्री स्वामी समर्थांचे पुण्यतिथी कोणत्याही भाविकांच्या अनुपस्थितीत अत्यंत साध्या पद्धतीने पार पडले. यावेळी जयजयकार व नामस्मरण करण्यात आले. यावेळी भक्त मंडळाना प्रसाद वाटप करण्यात आले.

यावेळी अन्नू महाराज पुजारी, मोहन पुजारी, अनिल पुजारी, अनुप पुजारी,  सुनिल पुजारी, नितीन पुजारी, पिंटू पुजारी, धनंजय पुजारी, मंदार पुजारी, केदार पुजारी, संदेश पुजारी, निलेश पुजारी, योगेश पुजारी, महेश पुजारी, आदित्य पुजारी, चंद्रकांत पुजारी, सुधाकर पुजारी, विद्याकर पुजारी, सुरेश पुजारी, नाना पुजारी उपस्थित होते. 

अक्कलकोट,दि.26 : – ग्रंथालयामुळे ज्ञानाची भुक भागवली जाते. ग्रंथालये ही पुस्तकांनी समृद्ध असली पाहिजेत. असे प्रतिपादन श्री. स्वामी समर्थ देवस्थान ट्रस्टचे अध्यक्ष महेश इंगळे यांनीे केले. श्रीमंत शहाजीराजे भोसले वाचनालयात ग्रंथपूजन करून इंगळे यांच्या हस्ते ग्रंथदिन साजरा करण्यात आला. कार्यक्रमाच्या अध्यक्षस्थानी संस्थेच्या अध्यक्षा शैलशिल्पा जाधव होत्या.

पुस्तके ही जीवनामध्ये दिपस्तंभाचे काम करतात. पुस्तके जीवनात दिशा दाखवतात असे जाधव यांनी सांगितले. ग्रंथ हे मानवी जीवनामध्ये ऑक्सिजनचे काम करतात. श्री. स्वामी समर्थ देवस्थान ट्रस्टने 25 बेडचे अद्ययावत कोविड सेंटर सुरू केले. अहोरात्र तीथे वैद्यकीय सेवा सुरू आहे. हा उपक्रम कौतुकास्पद आहे. असे उपाध्यक्षा आरती काळे यांनी सांगितले.

सर्जेराव जाधव ट्रस्टचे अध्यक्ष व श्रीमंत शहाजीराजे भोसले वाचनालयाचे संचालक कै. उध्दवराव जंगाले यांच्या स्मरणार्थ त्यांच्या पत्नी इंदुमती जंगाले यांनी वाचनालयातील ग्रंथ ठेवण्यासाठी दोन लोखंडी रॅक वाचनालयास भेट दिले.या प्रित्यर्थ त्यांचा महेश इंगळे यांच्या हस्ते शाल व पुष्पगुच्छ देऊन सत्कार करण्यात आला.

कार्यक्रमाचे संयोजन सुरेश भोसले यांनी केले. कार्यक्रमास आरती काळे, प्रा.भिमराव साठे, ॲड. प्रशांत शहा, सुरेश भोसले, बाळु जंगाले, ग्रंथपाल दत्तात्रय बाबर, दिनकर शिंपी, प्रसाद काळे, यश जाधव, स्नेहा नरके आदि उपस्थित होते.

अक्कलकोट,दि.22: अक्कलकोट विधानसभा क्षेत्रातील धोत्री ते काजीकणबस या प्रमुख जिल्हा मार्गासाठी केंद्रीय रस्ते विकास मंत्री नितीन गडकरी यांनी केंद्रीय मार्ग निधीतून 12 कोटी रुपये मंजूर केल्याची माहिती आमदार सचिन कल्याणशेट्टी यांनी दिली आहे. अक्कलकोट तालुक्यात गेल्या अनेक वर्ष्यापासून ग्रामीण रस्ते खराब असल्याची तक्रार नागरिकांकडून सतत होत होती. कल्याणशेट्टी यांनी आमदार म्हणून निवडून येताच संबंधित विभागामार्फत या वेगवेळ्या रस्त्यासाठी केंद्र व राज्य स्तरावर सतत पाठपुरावा करीत आहेत.यापूर्वी अक्कलकोट विधानसभा क्षेत्रातून जाणाऱ्या अनेक राष्ट्रीय ,राज्य व जिल्हामार्ग यांना कोट्यवधी रुपयांचा निधी मिळाला आहे.

आता सदर मंजूर निधीतून धोत्री ते हन्नूर ,चुंगी,किणी मार्गे काजीकणबस हा प्रमुख जिल्हा मार्ग क्रमांक 43 याची पुनर्बांधणी केली जाणार आहे. यामुळे या भागातील नागरिकांना आता सोलापूर येथे कमी अंतराच्या प्रवासाने जाणे अधिक सुखकर होणार आहे. यापूर्वी अर्थसंकल्प व अतिवृष्टी दुरुस्ती निधीतून बऱ्हाणपूर ते बोरगाव,अरळी ते नन्हेगाव,सुलतानपूर ते किणी, किणी ते पालापुर, देशमुख बोरगाव मार्गे वागदरी तसेच किणीमोड ते घोळसगाव व प्रामुख्याने तडवळ भागातील स्त्यांसाठी सुद्धा मोठया प्रमाणावर निधी मिळाल्याने प्रश्न मार्गी लागले आहेत.

तसेच अक्कलकोट तालुक्यातील गेल्या वीस ते पंचवीस वर्षांपासून दुर्लक्षित असलेला अक्कलकोट मार्गे नागणसुर, तोळणूर बोरोटी सीमा हा रस्ता पार करण्यास दोन तास वेळ लागायचा पण आता प्रवासी हा मार्ग 30 ते 35 मिनीटात पार करीत आहेत. याचबरोबर तिलाठी गेट ते वळसंग मार्गे मुस्ती तसेच वागदरी ते मराठवाडा सीमा हे रस्ते पूर्ण होत आल्याने या मार्गावरील प्रवासी आनंद व्यक्त करताना दिसत आहेत.

नितीन गडकरी यांच्या माध्यमातून अक्कलकोट तालुक्यातील सर्वच भागातील वेगवेगळ्या रस्त्यांना मोठ्या प्रमाणावर निधी मिळत आहे.आता येत्या काळात उर्वरित ग्रामीण भागातील अंतर्गत रस्ते पूर्ण होऊन नागरिकांना व्यापक दळणवळण सुविधा मिळवून द्यावा अशी अपेक्षा नागरिक व्यक्त करीत आहेत.

अक्कलकोट विधानसभा क्षेत्रातील रस्ते विकाससाठी मोठ्या प्रमाणावर निधी मिळत असल्याने तालुक्याचा चारही बाजूने होत असलेले रस्ते ही परिसरातील नागरिकांना व शेतकरी बांधवाना चांगली दळणवळण सुविधा निर्माण होणे, तिर्थक्षेत्राचे विकास होणे व भाविकांची रेलचेल वाढणे यासाठी मदतीचे ठरणार आहे.येत्या काळात उर्वरित रस्त्यांच्या कामासाठी आणखी निधी मिळवून ते काम पूर्ण करण्याकडे माझे लक्ष आहे.
सचिन कल्याणशेट्टी
आमदार,अक्कलकोट

सदाशिव बेडगे/सोलापूर,दि.६ : राज्यातील कोरोनाच्या वाढत्या संसर्गामुळे येथील श्री वटवृक्ष स्वामी महाराजांचे मंदीर आज पुन्हा एकदा बंद करण्यात आले. कोरोना संसर्गाला आळा घालण्याच्या दृष्टीने मंदीरात गर्दी होवू नये याकरिता आज सायंकाळी जिल्हाधिकाऱ्यांचे आदेश मंदीर समितीस प्राप्त झाल्यानंतर दि. ५ एप्रिल २०२१ रात्री ८ ते दि.३० एप्रिल २०२१ अखेर रात्री १२ वाजेपर्यंत वटवृक्ष मंदीर भाविकांच्या दर्शनाकरिता बंद ठेवणेबाबत
मंदीर समितीच्या वतीने हा निर्णय घेण्यात आल्याची माहीती समितीचे चेअरमन व नगरसेवक महेश इंगळे यांनी दिली. दरम्यान मंदिरातील नियमित धार्मिक विधी, पूजा, आरती इत्यादी धार्मिक उपक्रम नियमित पार पडणार असून भाविकांना पुर्णपणे दर्शन बंद करण्यात आले आहे असंही त्यांनी सांगितलं. त्याचबरोबर बुधवार दिनांक १४ एप्रिल रोजी श्री स्वामी समर्थांचे प्रकटदिन असून सालाबादप्रमाणे प्रकटदिनानिमित्त होणारे धार्मिक उपक्रम हे मंदिरातच समितीचे पुजारी व विश्वस्त मंडळ यांच्या उपस्थितीत संपन्न होणार आहेत कोणत्याही भाविकांचा त्यात सहभाग राहणार नाही. वटवृक्ष मंदिरात रोज स्वामींच्या दर्शनासाठी हजारो भाविक येत असतात. यामध्ये मुंबई पुण्यासह, नगर, नाशिक, कोल्हापूर, नागपूर इत्यादी भागातून येणाऱ्या भाविकांची संख्या लक्षणीय असते. त्याच प्रमाणे राज्याच्या कानाकोपऱ्यासह शेजारील कर्नाटक आणि आंध्र प्रदेश तसेच देश विदेशातून देखील मोठ्या प्रमाणात भाविक येतात. या सगळ्या गोष्टी लक्षात घेऊन प्रशासनाच्या आदेशानुसार कोरोना संसर्गाला आळा घालण्यासाठी मंदिर समितीने वटवृक्ष मंदिर बंद ठेवण्याचा निर्णय घेतला आहे, तरी पुढील आदेश येईपर्यंत भाविकांनी स्वामींच्या दर्शनाकरिता अक्कलकोटी येण्याचे टाळावे व स्वामी भक्तांनी आपल्या घरीच राहून स्वामी समर्थांची आराधना करावी असे आवाहन मंदिर विश्वस्त समितीच्या वतीने चेअरमन महेश इंगळे यांनी केले आहे.