Category: Sports

दि.10 : भारतीय क्रिकेट संघाचा माजी कर्णधार महेंद्र सिंह धोनी (Mahendra singh Dhoni) हा जगातील सर्वात यशस्वी कर्णधार म्हणून ओळखला जातो. धोनी कर्णधार कसा झाला? याबाबत राष्ट्रवादी काँग्रेस पक्षाचे अध्यक्ष आणि बीसीसीआयचे (BCCI) माजी अध्यक्ष शरद पवार यांनी रविवारी रांचीमध्ये बोलताना एक वक्तव्य केलं. शरद पवार (Sharad Pawar) हे 2005 ते 2008 दरम्यान BCCI चे अध्यक्ष होते.

झारखंडच्या दौऱ्यावर आलेले शरद पवार म्हणाले की, भगवान बिरसा मुंडा यांच्या धरतीवर जन्मलेल्या महेंद्र सिंह धोनीने संपूर्ण झारखंडचं नाव रोशन केलं आहे. एक घटनेचा उल्लेख करताना त्यांनी म्हटलं की, टीम इंडियाचा कर्णधार असताना राहुल द्रविडने मला विचारले की, कर्णधारपदावर असल्याने त्याच्या फलंदाजीवर परिणाम होत आहे. त्यामुळे त्याला राजीनामा द्यायचा आहे.

सचिन तेंडुलकरने सूचवला होता पर्याय
शरद पवारांनी म्हटलं की, राहुल द्रविडने राजीनामा देण्याबाबत विचारणा केली असता मी सचिन तेंडुलकरला (Sachin Tendulkar) कर्णधारपद घेण्यासाठी सुचवलं होतं. पण सचिनने ही जबाबदारी सांभाळण्यास नकार दिला. तर मी सचिनला विचारलं की, तर मग ही जबाबदारी कोणाला देऊ. त्यावर तेंडुलकरने धोनीच्या खांद्यावर ही जबाबदारी देण्याचा सल्ला दिला. तो देशाचं नाव उंचावर नेईल. आणि नंतर तसंच झालं.

महेंद्रसिंह धोनीने 2014 मध्ये टेस्ट क्रिकेटमधून निवृत्ती जाहीर केली होती. त्यानंतर धोनीची जबाबदारी विराटच्या खांद्यावर आली. धोनीने 2004 मध्ये बांगलादेश विरुद्ध वनडेमध्ये पदार्पण केले. येथून धोनीने नंतर कधीच मागे वळून पाहिलं नाही. एक उत्तर फिनीशर म्हणून त्याची ओळख झाली. त्यानंतर त्याचा प्रवास सर्वात यशस्वी कर्णधारपर्यंत येऊन पोहोचला.

धोनीच्या नेतृत्वात भारतीय संघाने 2007 साली पहिलाा टी-20 वर्ल्डकप जिंकत इतिहास रचला. धोनाच्या नावावर 17 हजार धावा आहेत. तसेच टी-20, वर्ल्ड कप आणि चॅम्पियन्स ट्रॉफी अशा तिन्ही स्पर्धा जिंकणारा महेंद्रसिंह धोनी हा पहिला कर्णधार आहे.

दि.1 : टीम इंडियाचा कर्णधार विराट कोहली (Virat Kohli) आणि अनुष्का शर्मा (Anushka Sharma) 21 जानेवारीला आई-बाबा बनले. विराट कोहली (Virat Kohli) आणि अनुष्का शर्मा (Anushka Sharma) यांनी त्यांच्या मुलीचा पहिला फोटो सोशल मीडियावर शेयर केला आहे. याचसोबत त्यांनी मुलीचं नावही जाहीर केलं आहे. विराट आणि अनुष्काने मुलीचं नाव वामिका (Vamika) असं ठेवलं आहे. याबाबतची इन्स्टाग्राम पोस्ट अनुष्का शर्माने केली आहे.

‘आम्ही प्रेम, जिव्हाळ्याने आमचं आयुष्य जगत आलो आङोत. पण या छोट्या वामिकाने आमच्या जगण्याला वेगळ्याच उंचीवर नेलं आहे. अश्रू, हसणं, भावना या सगळ्या गोष्टी आम्ही काही क्षणांमध्येच अनुभवतो. आम्हाला झोप मिळत नाही, पण आमचं मन प्रेमाने पूर्णपणे भरलं आहे. तुमच्या सगळ्यांचं प्रेम आणि आशिर्वादाबाबत धन्यवाद,’ अशी पोस्ट अनुष्का शर्माने केली आहे.

विराट कोहली आणि अनुष्का शर्मा 21 जानेवारीला आई-बाबा बनले. तेव्हापासूनच अनेकांनी त्यांना मुलीचं नाव सुचवलं होतं. मुलीच्या जन्माआधी विराट कोहली पितृत्वाची रजा घेऊन ऑस्ट्रेलिया दौरा अर्धवट सोडून भारतात परतला होता. आता इंग्लंडविरुद्धच्या टेस्ट सीरिजमध्ये त्याचं टीममध्ये पुनरागमन झालं आहे. 5 फेब्रुवारीपासून या 4 टेस्ट मॅचच्या सीरिजला सुरूवात होणार आहे.

 सोलापुर,दि.18 : सिद्धेश्वर सोशल फाऊंडेशन चॅम्पियन ट्रॉफी 2021 चे उदघाटन मनपाचे  उपआयुक्त धनराज पांडे यांच्या हस्ते संपन्न करण्यात आले.
यावेळी  इंडियन मॉडेल स्कूलचे सचिव अमोल जोशी,  मनोरमा बँकेचे माजी चेअरमन संतोष सुरवसे, सोलापूर जिल्हा क्रिकेट असोशियन निवड समिती चेअरमन उदय ढोके, उद्योगपती समीर लोंढे, कॉन्ट्रॅक्टर सतीश सुरवसे, नामवंत खेळाडू किशोर बोरामणी, संस्थेचे अध्यक्ष आनंद मुस्तारे कार्याध्यक्ष विजयकुमार हतुरे, उपाध्यक्ष रेवणसिद्ध बिजर्गी, सचिव विकास कस्तुरे, प्रसिद्धीप्रमुख विशाल कल्याणी, सदस्य आशिष रसवंती आदी उपस्थित होते.                         

यावेळी बोलताना उपायुक्त धनराज पांडे म्हणाले की, मैदानी खेळातून मुलांच्या शारीरिक विकास होत असतो अलीकडे मुलांचा कल मैदानातील खेळाकडे नसून प्रत्येक जण हा मोबाईल मध्ये गुंतलेला असतो. तसेच शहरातील सामाजिक राजकीय संस्थेने देखील पुढाकार घेऊन चांगल्या दर्जेचे ग्राउंड तयार केले पाहिजेत IPL मूळे अनेक चांगले खेळाडू तयार झाले आहेत. असेच चांगले स्पर्धक सोलापुरातून घडतील अशी आशा त्यांनी व्यक्त केली.

श्री सिध्देश्वर महायात्रे निमित्त दरवर्षी प्रमाणे यंदाच्या वर्षी श्री सिध्देश्वर चॅम्पियन ट्रॉफी- 2021 चे आयोजन दि. 18 ते 25 जानेवारी दरम्यान करण्यात आले आहे.    

ही स्पर्धा आयपीएल धर्तीवर होणार असून, यासाठी सोलापूरातील नामवंत 06 संघात 14 वर्षाखालील मुलांची ही स्पर्धा होणार आहे. या स्पर्धेसाठी विजेते संघास व उपविजेते संघास सिध्देश्वर चॅम्पियन ट्रॉफी व आकर्षक बक्षिसे देण्यात येणार आहे. व दररोज होणार्‍या स्पर्धेत (मॅन ऑफ दी मॅच) मध्ये खेळाडूंना ट्रॉफी देण्यात येणार आहे. मॅन ऑफ दी सिरिज, खेळाडूला ट्रॉफी आणि आकर्षक बक्षिस देण्यात येणार आहे.                                                   
या स्पर्धेचा बक्षिस वितरण 25 जानेवारी रोजी होणार आहे. कार्यक्रम यशस्वी करण्यासाठी राजेश यमुल, दत्ता बडगु, प्रसाद सावनतुल आदी परिश्रम घेत आहेत.

कोलकाता,दि.2 : बीसीसीआयचे अध्यक्ष आणि टीम इंडियाचे माजी कर्णधार सौरव गांगुली यांना ह्रदयविकाराचा सौम्य झटका आल्याने रुग्णालयात दाखल करण्यात आलं आहे. तब्येत अचानक बिघडल्यामुळे त्यांना कोलकाताच्या वुडलँड्स रुग्णालयात दाखल करण्यात आले आहे. मिळालेल्या माहितीनुसार, व्यायामशाळेत व्यायाम करताना त्याची तब्येत बिघडली आहे. हात आणि पाठीत दुखत असल्याने आणि डोळ्यासमोर अंधारी आल्याने त्यांना रुग्णालयात दाखल करण्यात आलं आहे.

सौरव गांगुलींवर रुग्णालयाकडून अँजियोप्लास्टी करण्यात येणार आहे. डॉक्टर सरोज मंडल तसेच इतर 3 डॉक्टर हे गांगुलीवर अँजियोप्लास्टी करणार आहेत. पश्चिम बंगालच्या मुख्यमंत्री ममता बॅनर्जी यांनी ट्वीट करत, सौरव गागुंलीची तब्येत लवकर बरी व्हावी यासाठी प्रार्थना केली आहे. हर्षा भोगले यांनीही गांगुली लवकरात लवकर बरे व्हावे अशी असं म्हटलं आहे.

Sad to hear that @SGanguly99 suffered a mild cardiac arrest and has been admitted to hospital.

Wishing him a speedy and full recovery. My thoughts and prayers are with him and his family!

— Mamata Banerjee (@MamataOfficial) January 2, 2021

बातम्यांसाठी व ताज्या अपडेटसाठी व्हाट्स ॲप ग्रुपमध्ये हा नंबर 👉 9404996361 ॲड करा किंवा आपले नाव, शहर/गावाचे नाव व्हाट्स ॲप करा

मुंबई,दि.1 : मास्टर ब्लास्टर सचिन तेंडुलकर त्याच्या फाऊंडेशनच्या मदतीने मुंबईमध्ये गरजू मुलांसाठी एसआरसीसी हॉस्पिटलच्या माध्यमातून उपचार करत आहे. एकम फाऊंडेशनच्या मदतीने सरकारी आणि ट्रस्टच्या हॉस्पिटलमध्ये उपचार घेणाऱ्या गरजू मुलांना सचिन आर्थिक मदत करतो.

सचिनने पुन्हा एकदा सामाजिक भान जपलं आहे. सचिन तेंडुलकरने त्याच्या फाऊंडेशनच्या मदतीने 6 राज्यांमधल्या 100 गरीब विद्यार्थ्यांच्या उपचाराचा खर्च उचलला आहे. महाराष्ट्र, पश्चिम बंगाल, आसाम, कर्नाटक, तामीळनाडू आणि आंध्र प्रदेशच्या विद्यार्थ्यांची मदत सचिन करणार आहे. नोव्हेंबर 2019 सालापासून सचिन त्याच्या फाऊंडेशनच्या माध्यमातून हे सामाजिक काम करत आहे.

अनेकवेळा गरीब मुलांच्या पालकांना त्यांच्या गंभीर उपचारांसाठीचा खर्च करणं परवडत नाही, अशा गरजू मुलांचा उपचारासाठीचा खर्च सचिन उचलतो. या महिन्याच्या सुरुवातीला सचिनने ईशान्य भारतातल्या आसाम, मिझोराम आणि त्रिपुरा या भागात मुलांच्या उपचारासाठी लागणारी साहित्य पुरवली होती. याचा फायदा एका वर्षात दोन हजार मुलांना होणार आहे. सचिनने युनीसेफच्या जागतिक बालदिनानिमित्त झालेल्या कार्यक्रमातही सहभाग नोंदवला होता. जगाचं भविष्य घडवण्यासाठी मुलांना प्रोत्साहन देण्यासाठीचा हा कार्यक्रम होता.