Category: Solapur

सोलापूर,दि.2 : सोलापूर महानगरपालिकेच्यावतीने कोव्हिड 19 लसीकरण मोहिम उद्या दि. 03/08/2021 रोजी लसीकरण सत्राचे आयोजन करण्यात आले आहे.
17 केंद्रावर लस देण्यात येणार आहे. यात मदर तेरेसा पालिक्लिनीक, डफरिन हॉस्पिटल कैम्पस येथे गर्भवती महिलासाठी तसेच NEET JEE या परिक्षार्थीसाठी कोव्हॅक्सीन लसीचा पहिला डोस देण्यात येणार आहे.

यासाठी गर्भवती महिलांनी आपल्याकडील ANC कार्ड, आधारकार्ड मोबाईल फोन घेवुन तसेच विद्यार्थ्यांनी आपले आधारकार्ड व ओळखपत्र घेवुन सकाळी 10:00 ते सायं 5.00 या उपस्थित रहावे, असे आवाहन महापालिकेतर्फे करण्यात आले आहे.

कोव्हिड 19 या आजारापासुन संरक्षण होण्यासाठी कोव्हॅक्सीन अथवा कोव्हिशिल्ड लसीचे 2 डोस घेणे गरजेचे आहे. कोव्हॅक्सीन लसीचा पहिला डोस घेतल्यानंतर 28 दिवसानंतर दुसरा डोस आवश्य घ्यावा. तसेच कोव्हिशिल्ड लसीचा पहिला डोस घेतल्यानंतर 84 दिवसानंतर दुसरा डोस आवश्य घ्यावा. 2 डोस घेतल्यानंतरच आजाराविरुध्द लढण्यासाठी अपेक्षित प्रतिकार शक्ती प्राप्त होते. तरी लसीचे दोन्ही डोस घ्यावे असे महापालिकेतर्फे आवाहन करण्यात आले आहे.

सोलापूर,दि.2: राज्य विधी सेवा प्राधिकरणाच्या आदेशानुसार जिल्हा विधी सेवा प्राधिकरणातर्फे 1 ऑगस्ट रोजी राष्ट्रीय लोक अदालत झाली. लोकअदालतीमध्ये 25 हजार 769 प्रलंबित प्रकरणे आणि 15 हजार 704 दाखलपूर्व प्रकरणे अशी 41 हजार 473 प्रकरणे तडजोडीसी ठेवण्यात आली. यामध्ये 2792 प्रकरणात तडजोड करून समझोता घडविण्यास न्यायालयाला यश प्राप्त झाले तर 572 दाखलपूर्व प्रकरणे आपापसात निकाली काढण्यात आल्याची माहिती जिल्हा न्यायाधीश तथा जिल्हा विधी सेवा प्राधिकरणाचे अध्यक्ष एम.आर. देशपांडे, सचिव शशिकांत मोकाशी यांनी दिली.

निकाली काढण्यात आलेल्या प्रकरणातून 64 कोटी 97 लाख 6255 एवढ्या रकमेची तडजोड करण्यात आली. लोकन्यायालयाचे उद्घाटन राष्ट्रीय विधी सेवा प्राधिकरणाने तयार केलेल्या ‘एकमुठ्ठी आसमान’ गीताने झाले. यावेळी जिल्हा व सत्र न्यायाधीश एम.आर. देशपांडे, बार असोसिएशनचे अध्यक्ष बसवराज सलगर, महाराष्ट्र व गोवा राज्य बार असोसिएशनचे सदस्य मिलिंद थोबडे, जिल्हा विधी सेवा प्राधिकरणचे सचिव तथा वरिष्ठ न्यायाधीश शशिकांत मोकाशी, जिल्हा सरकारी वकील पी.एम. रजपूत आदी उपस्थित होते.

लोक अदालतीमध्ये जिल्ह्यातून 36 पॅनलची निर्मिती करण्यात आली होती. दिवाणी, फौजदारी, भूसंपादन, दरखास्त, कलम 138 चलनक्षम कायद्याची, कौटुंबिक वाद इत्यादीची न्यायप्रविष्ठ प्रकरणे, बँका, टेलिफोन कंपनी, विविध वित्तीय संस्था यांची दाखलपूर्व प्रकरणे तडजोडीसाठी ठेवण्यात आली होती.

ऑनलाईनचा वापर
लोकअदालतीमध्ये एक प्रकरण पूर्णत: ऑनलाईन पद्धतीने मिटविण्यात आले. कंपनीने इमेलद्वारे दाखलपूर्व प्रकरण विधी सेवा प्राधिकरणाकडे पाठविले होते. सामा संस्थेच्या मदतीने ऑनलाईन समुपदेशन श्रीमती डी.व्ही. किणगी यांनी केले. पक्षकाराने ऑनलाईन तडजोड रक्कम भरल्यानंतर ऑनलाईन सही घेण्यात आली. प्रकरणात प्रत्यक्ष कोणताही पक्षकार न्यायालयासमोर न भेटता ऑनलाईन पद्धतीने सर्व बाबी पार पडल्याचे जिल्ह्यातील पहिलेच प्रकरण होते.

कोरोनामुळे पक्षकार तडजोडीसाठी प्रत्यक्ष हजर राहू शकत नव्हते, अशांसाठी व्हॉटसअप कॉलचा वापर करून 56 प्रकरणामध्ये तडजोड करण्यात आली. यामुळे पक्षकारांना घरबसल्या न्याय मिळाला.

स्पेशल ड्राईव्ह
लोकअदालतीच्या अगोदर उच्च न्यायालयाच्या आदेशानुसार तीन दिवस स्पेशल ड्राईव्ह प्रत्येक प्रथम न्यायदंडाधिकारी न्यायालयात घेण्यात आला. जिल्ह्यामध्ये तीन दिवसात 4622 प्रकरणे निकाली काढण्यात आली आहेत.

लोकअदालतीमध्ये कामकाज केलेले न्यायिक अधिकारी
जिल्हा न्यायालय पॅनेलवर न्यायाधीश आर.एन.पांढरे, आर.व्ही. मोहिते, व्ही.ए. कारंडे, व्ही.आय.भंडारी, एन.एन. जोशी, बी.सी. मोरे, एम.आर. देवकते, एन.एम. बिरादार, एस.वाय.सूळ, व्ही.बी. चव्हाण, श्रीमती आर.एस. तापडिया, एम.व्ही. किरमे, ए.सी. पारशेट्टी, आर.ए. मिसाळ यांनी कामकाज पाहिले. जिल्हा न्यायाधीश व्ही.जी. मोहिते, मुख्य न्यायदंडाधिकारी श्रीमती एस.एम. कनकदंडे, दिवाणी न्यायाधीश एस.एस. पाटील यांनी मार्गदर्शन केले.

पोलीस उपायुक्त डॉ. वैशाली कडूकर, विधी सेवा प्राधिकरणाच्या अधीक्षक पल्लवी पैठणकर, सचिन वडतिले, एस.एस.शहापुरे, के.वाय. चव्हाण, बाजीराव जाधवर, ए.बी. शेख, एस.एच. दापुरे यांनी परिश्रम घेतले.

प्रलंबित प्रकरणे
एकूण ठेवलेली प्रलंबित प्रकरणे-25769
एकूण तडजोड झालेली प्रलंबित प्रकरणे-2792
प्रलंबित प्रकरणातील तडजोड रक्कम-52 कोटी,93 लाख, 91 हजार 568 रूपये.

दाखलपूर्व प्रकरणे एकूण ठेवलेली दाखलपूर्व प्रकरणे-15704 एकूण तडजोड झालेली दाखलपूर्व प्रकरणे-572
प्रलंबित प्रकरणातील तडजोड रक्कम-12कोटी,3 लाख, 14 हजार 687 रूपये.
तडजोड झालेली वैवाहिक प्रकरणे-39
ऑनलाईन आणि व्हॉटसअपच्या मदतीने तडजोड प्रकरणे-57

सोलापूर,दि.2 : सोलापूर जिल्हा ग्रामीण नवीन 371 रूग्णांची भर; एकूण रुग्ण संख्या 148821 झाली आहे.
रुग्णालयातून बरे होऊन गेलेल्या बाधितांची संख्या 141683 झाली आहे.
तर रुग्णालयात उपचार घेत असलेल्या बाधितांची संख्या 3994 आहे.
तर आजपर्यंत मृतांची संख्या 3144 झाली आहे. यात 2091 पुरुष व 1053 महिलांचा समावेश आहे.
सोलापूर जिल्हा ग्रामीण आज 6306 अहवाल प्राप्त झाले. यात 5953 निगेटिव्ह तर 371 पॉझिटिव्ह रुग्ण आढळून आले. यात 216 पुरुष आणि 155 महिलांचा समावेश आहे. आज 9 जणांची नोंद मृत म्हणून आहे. तर 373 जण बरे झाल्याने घरी सोडण्यात आले.

सोलापूर,दि.1 : सोलापूर जिल्हा ग्रामीण नवीन 641 रूग्णांची भर; एकूण रुग्ण संख्या 148400 झाली आहे.
रुग्णालयातून बरे होऊन गेलेल्या बाधितांची संख्या 141310 झाली आहे.
तर रुग्णालयात उपचार घेत असलेल्या बाधितांची संख्या 3955 आहे.
तर आजपर्यंत मृतांची संख्या 3135 झाली आहे. यात 2084 पुरुष व 1051 महिलांचा समावेश आहे.
सोलापूर जिल्हा ग्रामीण आज 11149 अहवाल प्राप्त झाले. यात 10508 निगेटिव्ह तर 641 पॉझिटिव्ह रुग्ण आढळून आले. यात 375 पुरुष आणि 266 महिलांचा समावेश आहे. आज 8 जणांची नोंद मृत म्हणून आहे. तर 242 जण बरे झाल्याने घरी सोडण्यात आले.

सोलापूर,दि.१ : महाराष्ट्रात राज्यातील सर्व जिल्ह्ये व शहरात स्तर ३ चे निर्बंध लावण्यात आले आहेत. सोलापूर शहरात व जिल्ह्यात स्तर ३ चे निर्बंध लागू करण्यात आले आहेत. व्यापाऱ्यांना सोमवार ते शुक्रवार सकाळी ७ ते ४ पर्यंत दुकाने चालू ठेवण्यास मुभा आहे. शनिवार व रविवार अत्यावश्यक सेवा वगळता सर्व बंद ठेवण्याचे निर्देश आहेत. कोरोनाची दुसरी लाट ओसरत आहे. शहरात कोरोना रुग्णांची संख्या कमी होत आहे. त्यामुळे लावण्यात आलेले निर्बंध हटविण्याची मागणी व्यापारी करत आहेत. आधीच लॉकडाउनमुळे व्यापाऱ्यांचे नुकसान झाले आहे. अशात अशा निर्बंधांमुळे व्यापाऱ्यांचे नुकसान होत आहे, अशी भावना व्यापारी वर्गातून व्यक्त करण्यात येत आहे.

राज्य शासन मान्यतेने सोलापूर महानगरपालिका क्षेत्र हे स्वतंत्र प्रशासकीय घटक म्हणून निर्णय घेण्यास मान्यता मिळाल्याने तसेच जिल्हाधिकारी तथा अध्यक्ष आपत्ती व्यवस्थापन प्राधिकारी यांच्या संदर्भ क्र. २६ यास अनुसरुन कोविड-१९ चे विषाणू डेल्टा प्लस या व्हेरिएंट मध्ये करावयाच्या उपाययोजनेच्या अनुषंगाने सोलापूर महानगरपालिका क्षेत्रात लेव्हल-३ चे निर्बंध लागू करणेचे निर्देश प्राप्त झालेले आहे.

त्यामुळे सोलापूर महानगरपालिकेचे आयुक्त पी. शिवशंकर, यांनी त्यांना प्राप्त झालेल्या अधिकारानुसार व देण्यात आलेल्या सूचनेनुसार सार्वजनिक हिताच्या दृष्टिने कोरोना विषाणूचा प्रार्दुभाव रोखणेकामी प्रतिबंधात्मक उपाययोजने अंतर्गत सोलापूर शहरासाठी यापूर्वी दिनांक २७/०६/२०२१ रोजीचे आदेश व दिनांक २८/०६/२०२१ रोजीच्या शुध्दीपत्रकातील आदेशच दि.०२/०८/२०२१ रोजी सकाळी ०७.०० वाजेपासून पुढील आदेशापर्यंत लागू केलेले आहेत.

सदर आदेशाचे उल्लंघन करणारी व्यक्ती / संस्था अथवा संघटना यांचेवर भारतीय दंड संहिता (४५ ऑफ १८६० ) कलम १८८ मधील तरतूदीनुसार दंडनीय / कायदेशीर कारवाईस पात्र असून आपत्ती व्यवस्थापन अधिनियम २००५ साथ रोग नियंत्रण कायद्यातील तरतूदी आणि इतर कायदे आणि विनियम यानुसार कारवाई करणेत येईल. अशा व्यक्ती, संस्था अथवा संघटना यांचे विरुध्द संबंधीत पोलीस स्टेशनचे प्रभारी अधिकारी यांनी कारवाई करावी. असे आयुक्तांनी काढलेल्या आदेशात नमूद करण्यात आले आहे.

सोलापूर,दि.1 : आर्थिक परिस्थिती हलाखीची असल्यामुळे ऑनलाइन शिक्षण थांबलेल्या गरजू व हुशार अशा 15 विद्यार्थिनींचे 6 महिन्यांचे मोबाईल रिचार्ज करून देऊन थांबलेला ऑनलाइन शिक्षणाचा प्रवाह वीरशैव व्हीजनने पुन्हा सुरु करून दिला.

याप्रसंगी मंचावर महापालिकेचे नूतन उपायुक्त एन. के. पाटील, महिला समस्या निवारणच्या सहाय्यक पोलीस निरीक्षक ज्योती कडू, श्री सिद्धेश्वर वुमेन्स पॉलीटेक्निक कॉलेजचे प्राचार्य गजानन धरणे, वीरशैव महासभेचे राष्ट्रीय उपाध्यक्ष सुदीप चाकोते, उद्योजक संजय शरणार्थी, उच्च शिक्षण विभागाचे सहसंचालक डॉ. राहुल बावगे उपस्थित होते.

याप्रसंगी आर्थिक परिस्थिती हलाखीची असल्यामुळे ऑनलाइन शिक्षण थांबलेल्या श्रुती जळकोटे, साक्षी देगील, भाग्यश्री आळंद, स्नेहल लकशेट्टी, गायत्री कुर्ले, ऐश्वर्या नागुर, वैष्णवी भांगे, वैष्णवी नडगेरी, प्रियंका हडपद, श्रुती निलंगे, पार्वती प्रचंडे, रोहिणी नाटीकर, निकिता वग्गे, चंदाराणी करजोळे, अक्षता स्वामी या 15 विद्यार्थिनींचे 6 महिन्यांचे मोबाईल रिचार्ज करून देण्यात आले. 6 महिन्यानंतर ऑफलाइन शिक्षण सुरू न झाल्यास त्यापुढील 6 महिन्यांचेही रिचार्ज करून देण्यात येणार आहे.

याप्रसंगी काँग्रेस सेवादल यंग ब्रिगेडच्या प्रदेशाध्यक्षपदी निवड झाल्याबद्दल सुदीप चाकोते, उच्च शिक्षण विभागाच्या सहसंचालकपदी निवड झाल्याबद्दल डॉ. राहुल बावगे, भंडारकवठे ग्रामपंचायतीच्या सरपंचपदी निवड झाल्याबद्दल चिदानंद कोटगोंडे, मनपा वरिष्ठ श्रेणी लिपिक पतसंस्थेच्या चेअरमनपदी संजय सावळगी यांची निवड झाल्याबद्दल सत्कार करण्यात आला.

याप्रसंगी ॲड. मंजुनाथ कक्कळमेली, प्रा. संगमेश्वर नीला, प्रा. शिल्पा देशमुख, प्रा. श्रीशैल दुलंगे, प्रा. प्राजक्ता अभ्यंकर, व्हिजनचे संस्थापक अध्यक्ष राजशेखर बुरकुले, उत्सव समिती अध्यक्ष सोमेश्वर याबाजी, नागेश बडदाळ, संजय साखरे, आनंद दुलंगे, विजय बिराजदार, राजेश नीला, चिदानंद मुस्तारे, संगमेश कंटी, महेश विभुते, मेघराज स्वामी, गौरीशंकर अतनुरे, गंगाधर झुरळे उपस्थित होते.

कार्यक्रमाच्या यशस्वीतेसाठी अमित कलशेट्टी, सचिन चौधरी, अमोल कोटगोंडे, सोमनाथ चौधरी, सिद्धेश्वर कोरे यांनी परिश्रम घेतले.

कार्यक्रमाचे प्रास्ताविक बसव व्याख्यानमाला प्रमुख मलकप्‍पा बणजगोळे यांनी केले. विनायक दुदगी यांनी सूत्रसंचालन तर आभारप्रदर्शन राजशेखर बुरकुले यांनी केले.

सोलापूर,दि.३१ : सोलापूर जिल्ह्यातील ग्रामीण भागातील १८ वर्षावरील लाभार्थीकरिता ( Covaxin) लसीकरण नियोजन करण्यात आले आहे. सोलापूर जिल्ह्यातील ग्रामीण / नागरी भागात दिनांक ०२/०८/२०२१ ( वार सोमवार) रोजी १८ वर्षावरील – लाभार्थ्यांचे Covaxin लसीकरण करण्यात येणार असून त्यासाठी एकूण ३४ लसीकरण केंद्राचे ठिकाणी नियोजन करण्यात आलेले आहे.

सदर सत्रांमध्ये ऑनलाईन (Online) नोंदणी केलेल्या लाभार्थ्याचेच ऑनलाईन बुकिंग प्रमाणे लसीकरण सत्राच्या दिवशी लसीकरण होईल. या सत्रांसाठी ऑन पेपर रजिस्ट्रेशनची (Onapor Repistration) सोय नसल्याने ज्यांनी ऑनलाईन बुकिंग व अपॉइंटमेंट शेड्युल (Appointment Schedule) केलेले आहे त्यांनाच लस घेता येईल व त्यासाठी www.cowin.gov.in या संकेत स्थळाचा किंवा Aarogya Setu या पोर्टल चा वापर करून लसीकरण सत्रांसाठी रविवार दि. ०१.०८.२०२१ रोजी सायंकाळी ६.०० नंतर जवळच्या लसीकरण सत्रांसाठी online Appointment Schedule करता येईल याची नोंद घ्यावी, असे आवाहन जिल्हा परिषदेचे जिल्हा आरोग्य अधिकारी यांनी केले आहे.

१. लाभार्थ्यांनी Online पद्धतीने नोंदणी करून नोंदवलेला मोबाईल क्रमांक व Reference Id तसेच दुसरा डोस घेण्यासाठी आलेल्या लाभार्थ्यांनी पहिला डोस घेतेवेळी नोंदवलेला मोबाईल क्रमांक व Reference Id सह उपस्थित राहावे,

२. लाभार्थ्यांनी दिलेल्या मो.क्र. चर चार अंकी Reference Code येणार आहे व तो Codle टाकल्यानंतरच लाभार्थ्यास लस देता येणार आहे.