Category: News

दि.१९ : पॉइंटमन भारतीय रेल्वेत म्हणून कार्यरत असलेल्या मयूर शेळके यांनी प्रसंगावधान दाखवत चिमुकल्याचे प्राण वाचवले. हा संपूर्ण थरार सीसीटीव्ही कॅमेऱ्यात रेकॉर्ड झाला. मध्य रेल्वेच्या वांगणी स्थानकावरील ही घटना आहे. शेळके यांनी दाखवलेल्या सतर्कतेमुळे मुलाचा जीव वाचवला. विशेष म्हणजे अवघ्या काही सेकंदांनी मुलाचा जीव वाचला. शेळके यांनी स्वत:चा जीव धोक्यात घालून मुलाचा जीव वाचवला. त्यांच्या या धाडसाचं अधिकाऱ्यांपासून रेल्वे मंत्र्यांपर्यंत सर्वांनी कौतुक केलं आहे. रेल्वेमंत्री पीयूष गोयल यांनीदेखील त्यांच्या धाडसाचं कौतुक करत त्यांच्यावर आपल्याला अभिमान असल्याचं म्हटलं. 

“आज रेल्वेमॅन मयूर शेळ यांच्याशी संवाद साधून त्यांच्या धाडसाचं आणि त्यांनी केलेल्या कार्याची प्रशंसा केली. संपूर्ण रेल्वे कुटुंबाला त्यांचा अभिमान आहे. एका लहान मुलाचा जीव वाचवण्यासाठी त्यांनी आपला जीव धोक्यात टाकला. मला रेल्वेकडून खुप काही मिळालं आहे. मी केवळ माझी जबाबदारी पार पाडली असं त्यांनी सांगितलं,” अशी माहिती पीयूष गोयल यांनी दिली. “त्यांच्या या शौर्याची आणि कामाची कोणत्याही पुरस्काराशी किंवा पैशाशी तुलना केली जाऊ शकत नाही. परंतु आपलं कर्तव्य पार पाडणं आणि आपल्या कामातून मानवतेबद्दल प्रेरणा दिल्याबद्दल त्यांचा नक्कीच गौरव केला जाईल,” असं गोयल म्हणाले. 

Very proud of Mayur Shelke, Railwayman from the Vangani Railway Station in Mumbai who has done an exceptionally courageous act, risked his own life & saved a child's life. pic.twitter.com/0lsHkt4v7M

— Piyush Goyal (@PiyushGoyal) April 19, 2021

रेल्वेचे पॉइंटमन मयूर शेळके यांनी दाखवलेल्या धाडसाचा अभिमान वाटत असल्याचं ट्वीट रेल्वेमंत्री पियूष गोयल यांनी केलं आहे. स्वत:चा जीव धोक्यात घालून चिमुकल्याचे प्राण वाचवणाऱ्या शेळके यांनी एका वृत्तवाहिनीशी बोलताना दोन दिवसांपूर्वी घडलेला संपूर्ण थरार सांगितला. ‘शनिवारी संध्याकाळी साडेसहाच्या सुमारास उद्यान एक्स्प्रेस मुंबईच्या दिशेनं निघाली होती. त्यावेळी मी कामावर होतो. त्यावेळी एक अंध महिला तिच्या मुलीला घेऊन फलाटावरून चालत होती. तिच्या नकळत तो मुलगा फलाटावरून खाली पडला. त्यावेळी समोरून एक्स्प्रेस येत होती. मुलाला वाचवणं गरजेचं आहे असा निर्धार मी मनाशी केला आणि जीवाची बाजी लावली. त्यानंतर मी लगेचच मुलाच्या दिशेनं धावत सुटलो,’ असं शेळके यांनी सांगितलं. रेल्वेचे पॉइंटमन मयूर शेळके यांनी दाखवलेल्या हिमतीचा अभिमान वाटत असल्याचं ट्विट रेल्वेमंत्री पियूष गोयल यांनी केलं आहे. स्वत:चा जीव धोक्यात घालून चिमुकल्याचे प्राण वाचवणाऱ्या शेळके यांनी एका वृत्तवाहिनीशी बोलताना दोन दिवसांपूर्वी घडलेला संपूर्ण थरार सांगितला.

दि.16 : कोरोनाचा संसर्ग भारतात दिवसेंदिवस वाढतच आहे. महाराष्ट्रात सध्या लॉकडाऊन जाहीर करण्यात आला आहे. गरीब कुटुंबाला रेशन आणायचे असल्यास दुकानात जावे लागते. सद्याच्या परिस्थितीत बाहेर पडणेही धोकादायक आहे. आता घरबसल्या रेशन मागवता येणार आहे.

आता ॲपच्या माध्यमातून तुम्ही घरबसल्या मोबाईलवरुन ऑर्डर देऊ शकणार आहात. सरकारने Mera Ration app नावाचे मोबाइल अ‍ॅप आणले आहे. केंद सरकारने सुरू केलेल्या वन नेशन वन रेशन कार्ड योजनेचा हे मोबाईल ॲप एक भाग आहे. या अ‍ॅपच्या डाउनलोड करण्यापासून रेशन ऑर्डरपर्यंतची संपूर्ण प्रक्रिया समजून घ्या.

Mera Ration app असे करा डाउनलोड
सर्वप्रथम आपण आपल्या मोबाइलमध्ये Google Play Store वर जा. तिथे सर्च बॉक्समध्ये Mera Ration app शोधा.

मेरा रेशन अपमध्ये नोंदणी – अ‍ॅप डाऊनलोड केल्यानंतर तुम्हाला त्यात तुमचा रेशनकार्ड नंबर नोंदवावा लागेल. यासाठी प्रथम अ‍ॅप उघडा. आपल्याला नोंदणीचा ​​पर्याय दिसेल, त्यावर क्लिक करा. त्यामध्ये आपला रेशन कार्ड नंबर टाकून सबमिट बटण दाबा.

मेरा रेशन अ‍ॅपचे फायदे

या मोबाईल अ‍ॅपचा फायदा नोकरीसाठी एका शहरातून दुसर्‍या शहरात जाणार्‍या बर्‍याच लोकांना होणार आहे. इतर शहरांमध्ये त्यांना रेशन दुकानांविषयी माहिती नसते, या अ‍ॅपमध्ये जवळच्या दुकानांबाबतही संपूर्ण माहिती उपलब्ध असेल.

रेशन कधी आणि किती येईल याबद्दल आपल्याला यातून संपूर्ण माहिती मिळेल. तसेच तुम्हाला किती रेशन मिळते ?, ही माहिती या अ‍ॅपद्वारे उपलब्ध होईल. या ॲपद्वारे आपल्या मागील व्यवहाराचा तपशील देखील आपल्याला माहीत होईल.

हे अ‍ॅप हिंदी आणि इंग्रजी भाषेत उपलब्ध आहे, लवकरच ते अन्य 14 भाषांमध्येही उपलब्ध होईल. सर्वात मोठी गोष्ट म्हणजे या अ‍ॅपच्या माध्यातून दुकानातून रेशन कधी आणि कोणत्या दुकानातून घेण्यात आले ? याचीही माहिती मिळणार आहे.

दि.15 : कोरोनाने अनेक देशात कहर केला आहे. भारतासह अनेक देशात रुग्ण संख्या वाढत आहे. कोरोनाच्या नव्या स्ट्रेनमुळे रुग्ण संख्या वाढत आहे का? हेही पाहणे गरजेचे आहे. कोरोनाच्या नव्या स्ट्रेनचे दुष्परिणाम समोर आले आहेत.

कोरोनाचा नवा स्ट्रेन (Corona Strain) मुख्य लक्षण असणाऱ्या तापाबरोबरच डायरिया, पोटदुखी, उलटी होणे, अपचन यांसारखी लक्षण दाखवत आहे. दरम्यान जसजसे याचे संक्रमण वाढत आहे तसतसे या लक्षणांची व्याप्ती देखील वाढत आहे.

भारतात वेगाने फैलावत असलेली कोरोनाची दुसरी लाट ही गेल्यावर्षी पसरलेल्या संक्रमणापेक्षा अधिक भयानक असल्याचे चित्र आहे. दरम्यान काही डॉक्टरांच्या मते कोरोना संक्रमणाचा थेट परिणाम कान आणि डोळ्यांवर होत आहे. कोरोनाचा नवा स्ट्रेन (Corona Strain) मुख्य लक्षण असणाऱ्या तापाबरोबरच डायरिया, पोटदुखी, उलटी होणे, अपचन यांसारखी लक्षण दाखवत आहे. दरम्यान जसजसे याचे संक्रमण वाढत आहे तसतसे या लक्षणांची व्याप्ती देखील वाढत आहे.

केजीएमयू आणि एसजीपीजीआय अनेक कोव्हिड रुग्णालयात भरती असणाऱ्या रुग्णांना ऐकण्याची आणि दिसण्याची समस्या येते आहे. या रुग्णालयातील तज्ज्ञ डॉक्टरांचे असे म्हणणे आहे की, त्यांच्या रुग्णालयात भरती अनेक रुग्णांना दिसण्याची आणि ऐकण्याची समस्या येते आहे. या तज्ज्ञांच्या मते असे अनेक रुग्ण आहेत, ज्यांना दोन्ही कानाने ऐकू येत नाही. तर काही कोरोना बाधित रुग्णांनी दिसत नसल्याची तक्रार केली आहे. या तज्ज्ञ डॉक्टरांनी असे म्हटले आहे की, रुग्णांची अवस्था गंभीर असल्यामुळे त्यांच्या शरिरातील इतर अवयव यामुळे प्रभावित होत आहेत. अशावेळी डोळे आणि कानांवर देखील परिणाम होत आहे.

तज्ज्ञांच्या मते, आता कोरोनाने त्याचं रूप बदललं आहे आणि त्या नंतर चिंता अधिक वाढली आहे. कोरोनाचे वाढते संक्रमण लक्षात घेता याबाबतीत बेजबाबदार न वागता कोरोना प्रोटोकॉलचे पालन करणे आवश्यक आहे. हाच एकमात्र उपाय आहे. दरम्यान नवीन स्ट्रेन चिंताजनक असला तरी डॉक्टरांनी एक दिलासादायक बाब देखील नमूद केली आहे. त्यांच्या मते जर रुग्णामध्ये प्रतिकारक्षमता व्यवस्थित असेल तर हा स्ट्रेन संबंधित रुग्णाला अधिक त्रास देणार नाही, तर 5 ते 6 दिवसात रुग्ण परिस्थिती पूर्ववत देखील होईल.

दि.15 : गॅस सिलेंडर बुक करण्यासाठी एजन्सीच्या नंबरवर फोन करावा लागतो किंवा एजन्सीच्या ऑफिसमध्ये जाऊन नंबर लावला लागतो. पण आता व्हॉट्सॲप मेसेज करून गॅस सिलेंडर बुक करता येईल.

आता तुमच्या स्मार्टफोनवरून आणि त्यातच विशेष म्हणजे तुमच्या WhatsApp क्रमांकावरून गॅस बुक करण्याची सुविधा ग्राहकांना मिळणार आहे.

देशातील सर्वात मोठ्या पेट्रोलियम कंपन्या भारत गॅस, इंडेन गॅस आणि एचपी गॅस या आपल्या ग्राहकांना WhatsApp द्वारे गॅस सिलिंडर बुक करण्याची सुविधा देत आहेत.

सेकंदात आपण व्हॉट्सअ‍ॅपवरुन गॅस बुकिंग कसे करू शकता आणि बुकिंगसाठी कोणत्या क्रमांकांचा वापर करता येतो ते पाहूया.

इंडेन गॅसचे ग्राहक 7588888824 नंबरवर बुकिंग करू शकतात. ग्राहकांनी त्यांच्या मोबाईलमध्ये हा नंबर 7588888824 सेव्ह करावा.

यानंतर WhatsApp ओपन करा आणि तुमच्या रडिस्टर्ड मोबाईल क्रमांकावरून Book किंवा REFILL# असा मेसेज लिहून पाठवा.

REFILL# असं लिहून मेसेज पाठवल्यास ऑर्डर पूर्ण झाल्यानंतर तुम्हाला एक मेसेज येईल. रिप्लायमध्ये बुकिंग केलेला गॅस सिलिंडर तुमच्यापर्यंत कधी पोहोचेल याची माहिती असेल.

Bharat Gas च्या बुकिंगसाठी तुम्हाला 1800224344 हा नंबर सेव्ह करावा लागेल. नंबर सेव्ह केल्यानंतर तुम्हाला WhatsApp वर जावं लागेल.

त्यानंतर सेव्ह केलेल्या नंबरवर Hi किंवा Hello असा मेसेज पाठवा. त्यानंतर तुम्हाला कंपनीकडून एक ऑटो रिप्लाय येतील.

जेव्हा तुम्हाला सिलिंडर बुक करायचा असेल तेव्हा केवळ त्यावर Book असं टाईप करून पाठवा. तो मेसेज पाठवल्यानंतर तुम्हाला ऑर्डर डिटेल आणि गॅस सिलिंडर कधी मिळेल याची माहिती मिळेल.

HP Gas च्या ग्राहकांसाठी 9222201122 हा नंबर आपल्या मोबाईलमध्ये सेव्ह करावा लागेल. हा नंबर सेव्ह केल्यानंतर तुमचं WhatsApp सुरू करा. त्यानंतर सेव्ह केलेल्या क्रमांकावर Book असं लिहून मेसेज पाठवा.

मेसेज पाठवल्यानंतर तुम्हाला तुमच्या क्रमांकावर ऑर्डर डिटेल्स मिळतील. तसंच तुमचा गॅस सिलिंडर कधी डिलिव्हर होईल याची माहितीही मिळेल.

ग्राहकांच्या सुविधेसाठी गॅस कंपन्यांकडूनही सुविधा सुरू करण्यात आली आहे. एचपी, इंडेन आणि भारत गॅसचे ग्राहक या सुविधेचा लाभ घेऊ शकतात.

गॅस सिलिंडर बुक करताना तुम्हाला त्याच नंबरवरून मेसेज करावा लागेल जो एजन्सीडे रजिस्टर्ड आहे. कोणत्याही रजिस्टर नसलेल्या नंबरवरून बुकिंग करता येणार नाही.

सोलापूर,दि.१४ : कोरोनाने भारतात थैमान घातले आहे. दिवसेंदिवस देशात कोरोना रुग्णांची संख्या वाढत आहे. महाराष्ट्रात तर सर्वाधिक रुग्ण संख्या वाढत आहे. वाढणाऱ्या रुग्णसंख्याच्या पार्श्वभूमीवर महाराष्ट्राचे मुख्यमंत्री उद्धव ठाकरे यांनी काल जनतेशी संवाद साधला होता. महाराष्ट्र आज पासून कडक निर्बंध लावण्यात आले आहेत. आज रात्री आठ पासून राज्यात संचारबंदी लागू करण्यात आली आहे. अत्यावश्यक सेवा वगळता सर्व आस्थापने बंद राहणार आहेत.

गेल्या आठवड्याभरापासून देशात दररोज १ लाखाहून अधिक कोरोना रुग्णांची नोंद आहे. मागील ४ दिवस देशात दिवसाकाठी दीड लाखाहून अधिक कोरोना रुग्ण आढळून येत आहेत. गेल्या २४ तासांत देशभरात कोरोनाचे तब्बल १ लाख ८४ लाख ३७२ नवे रुग्ण आढळून आले आहेत. तर १ हजार २७ जणांचा कोरोनामुळे मृत्यू झाला आहे. यामुळे आरोग्य व्यवस्थेवरील ताण वाढला आहे.

गेल्या वर्षी देशात कोरोनाची पहिली लाट आली. त्यावेळी सप्टेंबरच्या मध्यावर कोरोना बाधितांचा आकडा १ लाखाच्या जवळ गेलेला नव्हता. मात्र आता एप्रिल महिन्यात आलेल्या कोरोनाच्या दुसऱ्या लाटेनं सगळेच विक्रम मोडीत काढले. ही लाट केव्हा ओसरणार असा प्रश्न सगळ्यांना पडला आहे. या पार्श्वभूमीवर राज्याच्या कोविड टास्कचे प्रमुख डॉ. संजय ओक यांनी महत्त्वाची माहिती दिली आहे. आपण कोरोना रुग्णवाढीच्या शिखराच्या जवळ पोहोचलो आहोत. पुढच्या आठवड्यात कोरोनाची लाट ओसरू लागेल. दररोज आढळून येणाऱ्या कोरोना रुग्णांची संख्या आणि मृत्यूचं प्रमाण कमी होऊ लागेल, असं डॉक्टरांनी सांगितलं.

सोलापूर,दि.13 : अवकाळी पावसाने महाराष्ट्रात हजेरी लावली आहे. अनेक जिल्ह्यात अवकाळी पाऊस पडला आहे. हवामान खात्याने पुन्हा एकदा अवकाळी पावसाचा अंदाज व्यक्त केला आहे. गेल्या दोन दिवसांपासून पुणे, सातारा, कोल्हापूर, सांगली याठिकाणी अवकाळी पावसानं (Unseasonal Rain) हजेरी लावली आहे.

त्यानंतर आता संपूर्ण महाराष्ट्रातही अवकाळी पावसाचे ढग दाटले आहेत. हीच स्थिती पुढील तीन दिवस कायम राहाणार असल्याची माहिती हवामान खात्यानं दिली आहे. शिवाय मराठवाडा आणि मध्य महाराष्ट्रातील काही जिल्ह्यांत अवकाळी पावसाचा इशाराही देण्यात आला आहे. आज अहमदनगर, जालना, औरंगाबाद, सांगली, सोलापूर, उस्मानाबाद या जिल्ह्यांत विजांच्या कडकडाटासह जोरदार पाऊस (thunderstorm) पडण्याची शक्यता वर्तवण्यात आली आहे.

मागील आठवड्यापासून महाराष्ट्रात तापमानाचा पारा घसरला आहे. तर राज्यात ढगाळ वातावरण असल्याने सकाळपासूनच लोकांना उकाड्याचा त्रास होतं आहे. मागील आठवड्यात विदर्भात तापमानाच्या पाऱ्यानं देशातील उच्चांक गाठला होता. त्यामुळे यावर्षीचा उन्हाळा शरीराची लाहीलाही करणारा असेल, असा अंदाज वर्तवण्यात येत होता. मात्र अवकाळी पावसाच्या ढगांमुळे महाराष्ट्राला तूर्तास उष्णतेच्या लाटांपासून दिलासा मिळाला आहे. पण अवकाळी पावसाने धांदल उडण्याची शक्यता आहे.

पुढील तीन दिवस महाराष्ट्रात ढगाळ वातावरण कायम असणार आहे. भारतीय हवामान खात्यानं उपग्रहाद्वारे घेतलेल्या फोटोंत मराठवाडा आणि मध्य महाराष्ट्रात ढगांच्या हालचाली नोंदल्या गेल्या आहेत. आज मराठवाड्यातील काही भागात वेगवाग वारा, विजांच्या कडकडासह अवकाळी पावसाची हजेरी लागू शकते, अशी शक्यता हवामान खात्यानं वर्तवली आहे.

त्याचबरोबर, आज उत्तर कोकण, दक्षिण कोकण, उत्तर मध्य महाराष्ट्र, दक्षिण मध्य महाराष्ट्रातील विविध जिल्ह्यांत ढगाळ हवामानाची नोंद करण्यात आली आहे. तर कोकण वगळता इतर भागात आज वारा 50 किमी प्रतितास वेगानं वाहणार आहे. तर पुढील तीन ते चार तासांत नाशिक, पुणे, अहमदनगर, सांगली, सातारा, कोल्हापूर, सोलापूर, औरंगाबाद, जालना, बीड, लातूर, उस्मानाबाद, नांदेड, हिंगोली आणि रायगड या जिल्ह्यांमधील विविध ठिकाणी जोरदार पावसाची शक्यता आहे.

दि.12 : भारतात अनेकांना कोरोनाची लागण होत आहे. यात सर्वक्षेत्रातील लोकांना कोरोनाची लागण झाली आहे. सर्व वयोगटातील लोकांना याची लागण झाल्याची उदाहरणे आहेत. 11 दिवसाच्या बाळाला कोरोनाची लागण झाल्याची घटना घडली आहे. गुजरातमधील सुरतमध्ये 11 दिवसांचं बाळ कोरोना संक्रमित आढळलं असून सध्या बाळावर उपचार सुरू आहेत.

अमरोली भागातील एका 30 वर्षीय महिलेला 1 एप्रिल रोजी डिलिव्हरीसाठी डायमंड रुग्णालयात भरती करण्यात आलं होतं आणि त्याच दिवशी महिलेने चिमुकलीला जन्म दिला.

रुग्णालयातील बाल रोग विशेषज्ञ डॉक्टर अल्पेश सिंधवी यांनी सांगितलं की, बाळाच्या जन्मावेळी त्याला श्वास घेण्यास समस्या येत होती. परंतु ही सामान्य बाब असून अनेक बाळांमध्ये असा प्रकार दिसतो.

बाळाला 5 एप्रिलपर्यंत आईचं दूध देण्याऐवजी फार्मूला फीड देण्यात आलं. 5 एप्रिल रोजी बाळाची स्थिती सुधारल्याने आईला दूध पाजण्यासाठी बोलवण्यात आलं. त्यानंतर 6 एप्रिल रोजी चिमुकलीला श्वास घेण्यास त्रास होऊ लागल्याने बाळाचा एक्स-रे करण्यात आला.

6 एप्रिल रोजी फुफ्फसं क्लियर होती, परंतु पुढच्या दिवशी एक्स-रेमध्ये एक मोठी सफेद जागा दिसली, जेथे संक्रमण परसलं होतं. त्यानंतर अँटिजेन टेस्ट करण्यात आली, त्यात बाळाचा रिपोर्ट पॉझिटिव्ह आला. तेव्हापासून चिमुकलीला वेंटिलेटरवर ठेवण्यात आलं असून Remdesivir इंजेक्शन देण्यात आलं आहे. तसंच प्लाज्मा ट्रिटमेंटसाठीही योजना असल्याची माहिती डॉक्टर सिंधवी यांनी दिली.

दि.12 : भारतात कोरोनाने थैमान घातले आहे. दिवसेंदिवस देशातील रुग्ण संख्या वाढत आहे. कोरोनाच्या विळख्यातून कोणतेही क्षेत्र वाचू शकले नाही. आता सर्वोच्च न्यायालयातील 50 टक्के कर्मचाऱ्यांना कोरोनाची लागण झाल्याची माहिती समोर आली आहे. कोरोनाचा सर्वोच्च न्यायालयाला (Supreme Court) मोठा फटका बसला आहे. सर्वोच्च न्यायालयातील 50 टक्के स्टाफला कोरोनाची लागण झाल्याची माहिती आता समोर आली आहे. 

सर्वोच्च न्यायालयातील सूत्रांनी दिलेल्या माहितीनुसार, कर्मचाऱ्यांना कोरोनाची लागण झाल्याने सर्वोच्च न्यायालयातील न्यायाधीश घरातूनच व्हिडीओ कॉन्फरन्सिंगच्या माध्यमातून सुनावणी घेणार आहेत. सर्वोच्च न्यायालयाचा संपूर्ण परिसर आणि कोर्ट रुम सॅनिटाईज करण्यात येत आहे. याच पार्श्वभूमीवर सर्व ठरलेल्या प्रकरणांवरील सुनावणी एक तास उशिराने होणार आहे. “माझ्या अनेक कर्मचार्‍यांना आणि लिपिकांना कोरोनाची लागण झाली आहे. काही न्यायाधीशांना यापूर्वीच कोरोनाची लागण झाली होती मात्र आता ते बरे झाले आहेत” अशी माहिती एका न्यायाधीशांनी एनडीटीव्हीसोबत बोलताना दिली आहे. 

छोट्या व्यापाऱ्यांना आर्थिक पॅकेजची मागणी

सोलापूर,दि.१० : उद्या संध्याकाळपर्यंत संपूर्ण लॉकडाऊनचा निर्णय झाल्यास व्यापारी सहभागी होण्याचा निर्णय झाला असून संपूर्ण लॉकडाऊन न झाल्यास ८ तारखेला झालेल्या बैठकीत ठरलेल्या निर्णयानुसार व्यापार सुरू करण्याचा निर्णय कायम तसेच  छोट्या व्यापाऱ्यांना आर्थिक पॅकेजची मागणी करण्यात आली आज व्यापारी संघटनांच्या बैठकीत झाल्याचे महाराष्ट्र चेंबरचे अध्यक्ष संतोष मंडलेचा व वरिष्ठ उपाध्यक्ष ललित गांधी यांनी सांगितले. 

महाराष्ट्र चेंबर ऑफ कॉमर्स इंडस्ट्री अँण्ड  ॲग्रिकल्चर तर्फे आज दि. १० एप्रिल २०२१ रोजी दुपारी ६ . ३० वाजता ” लॉकडाऊन व  ब्रेक द चेन, पुढे काय ? ” या विषयावर चर्चा करून निर्णय घेण्यासाठी राज्यातील सर्व व्यापारी संघटनांच्या पदाधिकारी व व्यापारी सभासद यांची  झूम ॲपवर महाराष्ट्र चेंबरचे अध्यक्ष संतोष मंडलेचा यांच्या अध्यक्षतेखाली ऑनलाईन मिटिंग संपन्न झाली. 

बैठकीत महाराष्ट्र चेंबरचे वरिष्ठ उपाध्यक्ष श्री. ललित गांधी यांनी उपस्थित सर्वांचे स्वागत करून गेल्या ६, ८ व १० असे ३ दिवस सर्व व्यापारी संघटनांच्या पदाधिकाऱ्यांच्या बैठक घेत आहोत  तसेच संपर्कात आहोत तसेच सरकारशी संपर्क करून आहोत. सर्वांच्या भुमीका मुख्यमंत्र्यांकडे मांडल्या आहेत. तरी सर्वांनी आजच्या बैठकीत आपल्या संघटनेची भूमिका मांडावी असे सांगितले. 

बैठकीत विश्वस्त कैलास खंडलेवाल,  विश्वस्त विलास शिरोरे, उपाध्यक्षा शुभांगी तिरोडकर, उपाध्यक्ष अनिलकुमार लोढा, नाशिक शाखा चेअरमन संजय दादलीका, अमरावती चेंबर ऑफ कॉमर्स अँण्ड इंडस्ट्रीचे अध्यक्ष विनोद कलंत्री,  कोल्हापूर चेंबर ऑफ कॉमर्स अँण्ड इंडस्ट्रीचे अध्यक्ष संजय शेटे,  सोलापूर चेंबर ऑफ कॉमर्स अँण्ड इंडस्ट्री अँण्ड अग्रिकल्चरचे अध्यक्ष राजू राठी, पुणे व्यापारी महासंघाचे फतेचंद राका, चेंबर ऑफ मराठवाडा, इंडस्ट्रीज अँण्ड अग्रिकल्चरचे प्रफुल्ल मालाणी , फामचे वरिष्ठ उपाध्यक्ष राजेश शहा, गडचिरोली व्यापारी महासंघाचे अध्यक्ष रवी चन्नावार , गोंदियाचे व्यापारी महासंघाचे  अध्यक्ष राजेंद्र बग्गा, पूना मर्चन्टस चेंबर्सचे अध्यक्ष पोपटलाल ओस्तवाल, चंद्रपूर चेंबर कॉमर्सचे अध्यक्ष हर्षवर्धन संघवी, नाग विदर्भ चेंबर ऑफ कॉमर्सचे अध्यक्ष अश्विन मेदांडिया, गोंदिया जिल्हा व्यापारी फेडरेशनचे अध्यक्ष रामजीवन परमार, नाशिक घाऊक व्यापारी किराणा संघटनेचे अध्यक्ष प्रफुल्ल संचेती, औरंगाबाद जिल्हा व्यापारी महासंघाचे अध्यक्ष जगन्नाथ काळे, हार्डवेअर अँन्ड पेन्ट्स मर्चंट्स असोसिएशनचे अध्यक्ष संतोषकुमार लोढा, नाशिक मोटार मर्चन्ट असोसिएशनचे  सुरेश  चावला, हर्षवर्धन संघवी, सिंधुदुर्ग व्यापारी महासंघाचे नितीन थायशेटे, सुरेश पाटील, सांगली, संगमनेर असोसिएशनचे ओंकारनाथ भंडारी, टिम्बर फेडरेशन, जळगाव व्यापारी महासंघाचे दिलीप गांधी, चंद्रपूर व्यापारी असोसिएशनचे उपाध्यक्ष सदानंद खत्री, स्टील चेंबर, सिमेंट स्टोकिस्ट असोसिएशन, तुर्भे व्यापारी  असोसिएशन, पालघर वसई तारापूर असोसिएशन, कॅटचे राजेंद्र बांठिया, हिंगोली व्यापारी महासंघाचे गजानन घुगे,  दि. सराफ असोसिएशनचे अध्यक्ष गिरीश नवसे, प्लायवुड असोसिएशनचे अध्यक्ष  हसमुखभाई पटेल, कॉम्पुटर असोसिएशनचे अध्यक्ष शरद मिश्रा,  लातूर व्यापारी  महासंघाचे प्रदीप सोलंकी, सिंधुदुर्ग प्रसाद पारकर, मनमाड व्यापारी महासंघाचे  राजू  पारिक, अंबरनाथ असोसिएशनच्या पदाधिकारीसह व्यापारी संघटनांच्या पदाधिकाऱ्यानी सरकारच्या लॉकडाऊन व ब्रेक द चेन, पुढे काय? या विषयावर सरकारच्या निर्णयावर मत मांडले. 

शेवटी महाराष्ट्र चेंबरचे वरिष्ठ उपाध्यक्ष ललित गांधी यांनी आभार मानले. बैठकीस मालेगावचे ओम गगराणी, महाराष्ट्र चेंबरचे माजी उपाध्यक्ष करुणाकर शेट्टी, समीर दुधगावकर, अजित सुराणा, सोनल दगडे, महाराष्ट्र चेंबर प्रभारी सरकार्यवाह सागर नागरे, सचिव विनी दत्ता, सहायक सचिव अविनाश पाठक आदीसह २०० व्यापारी मोठ्या संख्येने सहभागी झाले होते.