Category: Education

दि.17 : दहावीचा निकाल काल(दि.16) दुपारी जाहीर करण्यात आला. मात्र दुपारपासून वेबसाईटवर हा निकाल दिसत नसल्यानं विद्यार्थी आणि पालक हैराण झाले होते. ही वेबसाईट सुरू होत नसल्यानं चिंता व्यक्त केली जात होती. वेबसाईट क्रॅश झाल्याने विद्यार्थी निकाल पाहू शकले नाहीत.

दुपारी 1 वाजल्यापासून दहावीच्या निकालाची वेबसाइट सुरू होत नव्हती. वेबसाइट उघडण्यात अनेक तांत्रिक अडचणी येत आहेत. शिक्षणमंत्री वर्षा गायकवाड यांनी याची दखल घेतली आहे.

16 तारखेला 1 वाजता माध्यमिक व उच्च माध्यमिक शालांत मंडळाच्या माध्यमातून दहावीचे निकाल लागणार होते. परंतु हेवी ट्रॅफिकमुळे तांत्रिक बिघाड झाला. त्यामुळे विद्यार्थी निकाल पाहू शकले नाहीत. याला जबाबदार असणाऱ्यांवर कारवाई केली जाईल असे शिक्षणमंत्री वर्षा गायकवाड यांनी सांगितले.

यापूर्वी दहावी निकालाच्या वेबसाईटला अशी अडचण निर्माण झाली नव्हती. यावेळी मात्र निकाल जाहीर होऊनही वेबसाईटवर अनेक तास निकालच पाहता आला नाही.

View this post on Instagram

A post shared by Varsha Gaikwad (@varshaeknathgaikwad)

दरम्यान, यंदाच्या वर्षी अंतर्गत मूल्यमापनावर लागलेल्या दहावीच्या निकालात मार्कांची लयलूट झालेली पाहायला मिळत आहे. यावर्षी 99.95 टक्के विद्यार्थी उत्तीर्ण झाले. राज्यात यावर्षी 83 हजार 262 विद्यार्थ्यांना 90 टक्केहून अधिक गुण आहेत तर 957 विद्यार्थ्यांना 100 टक्के गुण आहेत. निकालानंतर तब्बल 6 तासांहून अधिक काळ वेबसाईट क्रॅश झाली. याप्रकरणी संबंधितांवर कारवाई करण्याचे आदेश शिक्षणमंत्री वर्षा गायकवाड यांनी दिले आहेत.

निकाल पाहण्यात अडचणी

कोरोनाकाळात परीक्षा न झालेल्या दहावीच्या विद्यार्थ्यांचा निकाल (SSC Result) जाहीर झाला आहे. दुपारी 1 वाजता हा निकाल विद्यार्थ्यांना पाहता येणार होता. मात्र निकालाची वेबसाइट क्रॅश झाल्यामुळे विद्यार्थ्यांना अडचणी येणार आहेत. दुपारी 11 वाजता महाराष्ट्र बोर्डाने निकाल जाहीर केला होता. (SSC Result 2021 : Maharashtra Board 10th Students Result Website Crash ) त्यानंतर 1 वाजता वेबसाइटवर विद्यार्थी निकाल पाहू शकत होेते. मात्र आता वेबसाइट क्रॅश झाल्याची माहिती मिळत आहे. साधारणतः 16 लाख विद्यार्थी या परिक्षेला बसले होते. या निकालाची उत्सुकता असताना वेबसाइट क्रॅश झाली आहे.

दरवर्षी एमकेसीएल सह इतर संकेतस्थळ निकाल पाहण्यासाठी उपलब्ध करून दिले जातात. त्याचप्रमाणे मोबाइलवर एसएमच्या माध्यमातून निकाल पाहण्याची संधी विद्यार्थ्यांना दिली जाते. परंतु यंदा केवळ एकच संकेतस्थळ निकाल पाहण्यासाठी दिले होते. राज्यतील 16 लाखाहून अधिक  विद्यार्थ्यांनी या संकेतस्थलळा भेट दिल्याने त्यावर ताण आला. 

महाराष्ट्र राज्य माध्यमिक व उच्च माध्यमिक शिक्षण मंडळातर्फे सन २०२१ मध्ये अंतर्गत मूल्यमापनाच्या आधारे हा निकाल तयार करण्यात आला आहे. १०वीच्या विद्यार्थ्यांना ऑनलाईन निकाल दुपारी एक वाजता पाहता येणार आहे. अशी माहिती बोर्डाचे अध्यक्ष दिनकर पाटील यांनी दिली आहे. 99.95 टक्के विद्यार्थी उत्तीर्ण झाले आहेत.

दि.१६ : दहावीची परीक्षा यंदा कोरोनामुळे रद्द झाली. दहावीच्या विद्यार्थ्यांचा निकाल बोर्डाने आज जाहीर केला. विद्यार्थ्यांना अंतर्गत मूल्यमापनाच्या निकषांवर गुण देण्यात आले आहेत. महाराष्ट्र बोर्डाचा इयत्ता दहावीचा निकाल (Class x Result) जाहीर झाला आहे. एकूण ९९.९५ टक्के विद्यार्थी उत्तीर्ण झाले आहेत.

यंदा करोना महामारीच्या दुसऱ्या लाटेमुळे दहावीची परीक्षा रद्द करण्यात आली होती. राज्य माध्यमिक आणि उच्च माध्यमिक शिक्षण मंडळाच्या इतिहासात (Maharashtra Board) प्रथमच अशा पद्धतीने परीक्षा अशा पद्धतीने परीक्षा रद्द करण्याची वेळ आली. विद्यार्थ्यांचे दहावीचे मूल्यांकन त्यांच्या अंतर्गत मूल्यमापन अधिक नववीचा वार्षिक परीक्षेचा निकाल या आधारे करण्यात आले आणि निकाल जाहीर करण्यात आला.

परीक्षेला नोंदणी केलेले एकूण विद्यार्थी – १६ लाख ५८ हजार ६२४
एकूण उत्तीर्ण विद्यार्थ्यांची टक्केवारी – ९९.९५ टक्के

• कोकण विभाग अव्वल, १०० टक्के निकाल
• ९५७ विद्यार्थ्यांना १०० टक्के गुण

पुढील थेट लिंकवर निकाल उपलब्ध –

http://result.mh-ssc.ac.in

http://www.mahahsscboard.in

श्रेणीसुधार योजनेंतर्गत नोंदणीकृत विद्यार्थ्यांचा निकाल नाही

ज्या विद्यार्थ्यांनी २०२१-२२ या वर्षीच्या परीक्षेसाठी श्रेणीसुधार योजनेंतर्गत नोंदणी केली होती, त्या विद्यार्थ्यांचा निकाल तयार करण्यात आलेला नाही, असे मंडळाने कळवले आहे. या विद्यार्थ्यांसाठी असलेल्या दोन संधींमध्ये या परीक्षेची गणना करण्यात येणार नसल्याने या विद्यार्थ्यांना पुढील एक/दोन संधी उपलब्ध राहतील, असे मंडळाने स्पष्ट केले आहे.

अमरावती,दि.10 : भारतातसह अनेक देशात दीड वर्षांहून अधिक काळापासून कोरोनाने थैमान घातले आहे. कोरोनामुळे देशात व राज्यात लॉकडाऊन लावण्यात आला होता. लॉकडाऊनमुळे अनेकांच्या नोकऱ्या गेल्या. अनेक व्यवसायावर परिणाम झाला. राज्यातील शाळा महाविद्यालय बंद ठेवण्यात आली होती. राज्यात अनेक ठिकाणी ऑनलाईन शिक्षण (online education) घेतले जात आहे. राज्यात कोरोना रुग्णांची संख्या कमी होत आहे. त्यामुळे राज्यातील महाविद्यालय (college) कधी सुरू होणार ? असा प्रश्न विचारला जात आहे. राज्यात महाविद्यालये पुन्हा कधी सुरू होणार याबाबत चर्चा सुरू झाली आहे.

राज्यात महाविद्यालये (college) कधी सुरू होणार याबाबत महत्त्वाचे संकेत उच्च व तंत्रशिक्षणमंत्री उदय सामंत (minister uday samant) यांनी दिले आहेत. राज्यात सध्या कोरोनाबाधित रुग्णांची संख्या कमी होतं असली तरी, धोका अद्याप संपलेला नाही. त्यामुळे सद्यस्थितीत महाविद्यालये पुन्हा सुरू करणे धोकादायक ठरू शकते. त्यामुळे तूर्तास महाविद्यालये किंवा शाळा सुरू करण्याचा सरकारचा मानस अजिबात नाहीये. एका शासकीय बेठकीसाठी अमरावतीत आले, असता त्यांनी ही माहिती दिली आहे.

पुढील आणखी काही दिवस राज्यात ऑनलाइन शिक्षणाचाच अवलंब करण्यात येईल. त्याचबरोबर विद्यापीठ परीक्षांमध्ये होणाऱ्या गोंधळाला आळा घालण्यासाठी पुढील काळात परीक्षा तसेच गोपनीय विभागामध्ये कंत्राटी लोकांना नियुक्ती करण्यास मज्जाव करण्यात आला असल्याची माहितीही त्यांनी यावेळी दिली आहे.

दि.7 : ग्रामीण भागात (Rural area of Maharashtra) कोविडमुक्त ग्रामपंचायतीचा अंतर्गत असणारे इयत्ता आठवी ते बारावीचे वर्ग सुरू (Class 8 to Class 12) करण्याबाबत पालकांशी चर्चा करून ठराव करावा यासाठी ग्रामपंचायत स्तरावर एक समिती गठित केले आहे. त्याचे अध्यक्षपद ग्रामपंचायतीचे सरपंच असतील. त्यामध्ये तलाठी शाळा व्यवस्थापन समितीचे अध्यक्ष वैद्यकीय शिक्षणाधिकारी प्राथमिक आरोग्य केंद्राचे अधिकारी ग्रामसेवक मुख्याध्यापक केंद्रप्रमुख यांची समिती याबाबत निर्णय घेईल.

शाळा सुरू करण्यापूर्वी कमीत कमी एक महिना संबंधित गावात कोविड रुग्ण आढळला नसावा, शिक्षकांचे लसीकरण करण्यात आले असावे, जर ते केले नसेल तर पहिल्यांदा लसीकरण करावे विद्यार्थ्यांच्या पालकांना गर्दी काढण्यासाठी शाळा परिसरात येऊन देऊ नये. विद्यार्थी बाधित झाल्याचे आढळल्यास तात्काळ शाळा बंद करावी आणि शाळा निर्जंतुकीकरण करण्याची जबाबदारी मुख्याध्यापकांनी घ्यावी विद्यार्थ्यांचे विलगीकरण करावे व वैद्यकीय अधिकाऱ्यांच्या सल्ल्याने उपचार सुरू करावेत.

शाळा सुरू करताना मुलांना टप्प्याटप्प्याने शाळेत बोलावण्यात यावे. उदाहरणार्थ वर्गांना आदलाबदलीच्या दिवशी सकाळी दुपारी ठराविक महत्त्वाच्या विषयांसाठी प्राधान्याने तसेच सर्व नियमांचे काटेकोर पालन करावे, एका बाकावर एकच विद्यार्थी असावा, दोन भागांमध्ये सहा फुटाच्या अंतरावर असावे, एका वर्गात जास्तीत जास्त पंधरा ते वीस विद्यार्थी असावेत, सतत साबणाने हात धुणे, मास्क वापर करणे, कोणतेही लक्षण आल्यास विद्यार्थ्यांना तात्काळ घरी पाठवणे. तसेच त्यांची चाचणी करून घेणे याकडे लक्ष राहावे संबंधित शाळेचे शिक्षकांना राहण्याची व्यवस्था त्याच भागांमध्ये करावी शिक्षकांना दररोज प्रवास करू नये त्यांनी सार्वजनिक वाहतूक व्यवस्थेचा वापर शक्यतो करण्याचे टाळावे.

या सर्व गोष्टींवर मुख्य कार्यकारी अधिकारी जिल्हा परिषदेचे अधिकारी आरोग्य विभागाचे अधिकारी यांनी लक्ष ठेवावे. सातत्याने या संदर्भात आढावा घेणे गरजेचे आहे शाळा सुरू करण्यापूर्वी व शाळा सुरू झाल्यानंतर आरोग्य तसेच सुरक्षाविषयक उपाय योजनेची मार्गदर्शक सूचना अंमलबजावणी करणे गरजेचे आहे. मागील काही दिवसांपूर्वी राज्य शासनाच्या शालेय शिक्षण विभागाने इयत्ता आठवी ते बारावी शाळा सुरू करण्याचा निर्णय घेतला होता पण काही त्रुटी जात असल्याने तात्काळ संबंधित अध्यादेश रद्द करण्यात आला आता नव्याने अध्यादेश केला आहे.

दि.७ : महाराष्ट्रातील कोरोनामुक्त भागातील शाळा सुरू करण्याची बाब विचाराधीन होती. राज्यातील कोविड मुक्त झालेल्या विभागात पहिल्या टप्प्यात इयत्ता पहिली ते बारावीचे वर्ग सुरळीतपणे सुरू करण्याबाबतचा शासन निर्णय आज शिक्षण विभागानं जाहीर केला आहे. विद्यार्थांना शाळेतील नियमित शिक्षणाचा लाभ मिळावा यासाठी कोविड मुक्त क्षेत्रात शाळा सुरु करण्याची बाब विचाराधीन होती. राज्यातील कोविड-मुक्त क्षेत्रातील ग्रामपंचायती/स्थानिक स्वराज्य संस्थाच्या ठरावांनी कोविड निकषांच्या आधारे पहिल्या टप्प्यात शाळेतली इयत्ता आठवी ते बारावीचे वर्ग सुरू करुण्यास शासन मान्यता शिक्षण विभागाकडून दिली आहे. पालकांशी चर्चा करुन ठराव करावा आणि स्थानिक प्रशासनाच्या सल्यानुसार मार्गदर्शक सूचना जाहीर केल्या आहेत.

ज्या गावात आठवी ते बारावी वर्ग सुरू करायचे आहेत त्या गावात किमान महिनाभर आधीपासून एकही कोविड रुग्ण नसावा. याशिवाय ग्रामपंचायत स्तरावर सरपंचाच्या अध्यक्षतेखाली समिती तयार करून निर्णय घेण्याचा सूचना देण्यात आल्या आहेत. सोबतच, शाळा सुरू करण्यापूर्वी शिक्षकांच्या लसीकरणाला प्राधान्य देऊन जिल्हाधिकारी यांनी नियोजन करावे, असे सुद्धा शिक्षण विभागाकडून सांगण्यात आले आहेत. दोन दिवसांपूर्वी शाळा टप्प्याटप्प्याने सुरू करण्याबाबतचा शासन निर्णय जाहीर करण्यात आला होता. मात्र काही तांत्रिक बाबींमुळे हा शासन निर्णय स्थगित करून आज पुन्हा नव्याने आठवी ते बारावी वर्गाच्या शाळा सुरू करण्याचा शासन निर्णय जाहीर झाला आहे.

शाळा सुरू करत असताना मुलांना टप्प्याटप्प्याने शाळेत बोलवण्यात यावी. केंद्र व राज्य सरकारने दिलेल्या आरोग्य सूचनांचे पालन करून वर्ग घेण्यात यावे अशी सूचना दिल्या आहेत. एका बाकावर एकच विद्यार्थी व दोन बाकामध्ये मध्ये सहा फुटांचे अंतर, एका वर्गात जास्तीत जास्त पंधरा ते वीस विद्यार्थी असावे. शाळेत विद्यार्थ्यांनी सतत साबणाने हात धुणे, मास्कचा वापर करणे, कोरोना सदृश्य कोणतीही लक्षणे दिसल्यास विद्यार्थ्यांना घरी पाठवणे आणि त्याची योग्य ती चाचणी करावी, अशा मार्गदर्शन सूचना देण्यात आल्या आहेत.

मुंबई,दि.२४ : राज्यातील कोविड-१९ ची उद्भवलेली परिस्थिती विचारात घेऊन शैक्षणिक वर्ष २०२१-२२ या वर्षांमध्ये शासकीय व शासन अनुदानित स्वायत्त संस्थेमध्ये अभियांत्रिकीसाठी प्रवेश घेतलेल्या विद्यार्थ्यांना शिकवणी फी व्यतिरिक्त इतर शुल्कात १६ हजार २५० रूपयांची (अंदाजे २५%) सूट देण्याचा निर्णय घेण्यात आला आहे, अशी घोषणा उच्च व तंत्र शिक्षण मंत्री उदय सामंत यांनी केली.

क्रांतीज्योती सावित्रीबाई फुले सभागृह वीरमाता जिजाबाई टेक्नॉलॉजीकल इन्स्टिट्यूट माटुंगा, मुंबई येथे राज्यातील शासकीय अभियांत्रिकी महाविद्यालय व संस्थांचा आढावा घेतला. या बैठकीला उच्च व तंत्र शिक्षण विभागाचे प्रधान सचिव ओ.पी. गुप्ता, तंत्र शिक्षण संचालक डॉ. अभय वाघ व संबंधित महाविद्यालयाचे प्राध्यापक उपस्थित होते.

उदय सामंत म्हणाले, शासकीय व शासन अनुदानित स्वायत्त अभियांत्रिकी संस्थेमध्ये प्रवेश घेतलेल्या विद्यार्थ्यांना शिकवणी (ट्यूशन) शुल्क शिवाय इतर शुल्क भरावे लागते. त्यामध्ये कोविड काळात विद्यार्थी महाविद्यालयात प्रत्यक्ष उपस्थित नसल्याने ग्रंथालय, जिमखाना अशा शैक्षणिक सुविधांचा वापर केला नाही त्यामुळे विद्यार्थ्यांकडून हे शुल्क घेऊ नये. कोविड-१९ च्या पार्श्वभूमीवर विद्यार्थी, पालक यांच्या अडचणी लक्षात घेऊन विद्यार्थ्यांना शैक्षणिक मदत व्हावी म्हणून इतर शुल्कामधील १६ हजार २५० रूपयांची सूट देण्याचा निर्णय घेण्यात आला आहे. त्यामुळे सुमारे २० हजार अभियांत्रिकी विद्यार्थ्यांना याचा फायदा होईल.

सद्य:स्थितीत हॉटेल मॅनेजमेंट संस्थेअंतर्गत असलेले ३० रुमचे प्रशिक्षण केंद्र ऑडिटोरिअम व बँकेट हॉल वापरण्यासाठी महाराष्ट्र राज्य तंत्र शिक्षण मंडळ यांनी याबाबत सर्व सुविधा नूतनीकरण (Renovate) करुन पंचतारांकित हॉटेल सोबत सामंजस्य करार (Memorandum of Understanding) करावा. यामुळे विद्यार्थ्यांना प्रत्यक्ष प्रशिक्षणाची सुविधा उपलब्ध होईल असेही सामंत यांनी यावेळी सांगितले.

बैठकीतील महत्त्वपूर्ण निर्णय

◆व्हीजेटीआय येथील मुलींच्या वसतिगृहाचे बांधकाम पूर्ण झाले असल्याने या वसतिगृहास ‘मातोश्री’ या नावाने नामकरण करण्यास मान्यता
◆या संस्थाना शिक्षक आणि शिक्षकेत्तर पदे कंत्राटी तत्वावर स्वतःच्या निधीतून भरण्यास मान्यता
◆संस्थांच्या २०२०-२०२१ च्या अर्थसंकल्पास तत्वत: मान्यता
◆संस्थांना शैक्षणिक प्रयोजनार्थ बांधकामाचे प्रस्ताव करावयाचे असल्यास सदरचे प्रस्ताव शासनास सादर करण्याच्या सूचना
◆या संस्थांना उत्कृष्टता केंद्र (Centre of Excellence) तयार करण्यासाठी मान्यता देऊन त्याबाबतचा प्रस्ताव संचालनालयामार्फत शासनाकडे तातडीने सादर करण्याच्या सूचना

या बैठकीत वीरमाता जिजाबाई तंत्रज्ञान संस्था (VJTI),मुंबई, गुरू गोविंद सिंहजी अभियांत्रिकी तंत्रज्ञान(SGGS)नांदेड, महाराष्ट्र राज्य हॉटेल मॅनेजमेंट अँड कॅटरिंग टेक्नॉंलॉजी(HMCT)पुणे, शासकीय अभियांत्रिकी महाविद्यालय जळगाव, कराड, चंद्रपूर, अमरावती यांचा आढावा घेण्यात आला.