दि.२ : कोरोनाच्या पार्श्वभूमीवर राज्यात स्तर ३ चे निर्बंध लावण्यात आले होते. राज्यातील कोरोना रुग्णांची संख्या कमी होत असल्याने निर्बंध हटविण्याची मागणी करण्यात येत होती. राज्यात कोरोना प्रादुर्भावामुळे लागू असलेल्या निर्बंधांमध्ये …
वीजबिलांतून मुक्तता; शून्य देखभाल खर्च मुंबई,दि.२ : शेतकरी बांधवांना सिंचनासाठी दिवसा वीजपुरवठा उपलब्ध करून देण्यासाठी मुख्यमंत्री सौर कृषिपंप योजनेतून गती देण्यात आली आहे. आतापर्यंत राज्यातील ८५ हजार ९६३ शेतकऱ्यांकडे तीन, पाच …
सोलापूर,दि.2 : सोलापूर जिल्हा ग्रामीण नवीन 371 रूग्णांची भर; एकूण रुग्ण संख्या 148821 झाली आहे.रुग्णालयातून बरे होऊन गेलेल्या बाधितांची संख्या 141683 झाली आहे.तर रुग्णालयात उपचार घेत असलेल्या बाधितांची संख्या 3994 आहे.तर …
सोलापूर,दि.२ : सोलापूर शहर नवीन २ रूग्णांची भर; एकूण रुग्ण संख्या २८९४४ झाली आहे.रुग्णालयातून बरे होऊन गेलेल्या बाधितांची संख्या २७४३३ झाली आहे.रुग्णालयात उपचार घेत असलेल्या बाधितांची संख्या ८१ आहे.तर आजपर्यंत मृतांची …
दि.31 : रियलमीचा नवीन 5G स्मार्टफोन पुढील आठवड्यात भारतात लॉन्च होणार आहे, पण लॉन्चच्या अगदी आधी Realme X7 5G ची किंमत लीक झाली आहे. Realme X7 आणि Realme X7 Pro मागील …
दि.31 : रियलमीचा नवीन 5G स्मार्टफोन पुढील आठवड्यात भारतात लॉन्च होणार आहे, पण लॉन्चच्या अगदी आधी Realme X7 5G ची किंमत लीक झाली आहे. Realme X7 आणि Realme X7 Pro मागील वर्षी सप्टेंबरमध्ये लाँच करण्यात आले होते. दोन्ही फोनमध्ये पंचोल डिस्प्ले आणि क्वॉड रियर कॅमेरा सेटअप दिला होता. Realme X7 5G रियलमी एक्स 7 5 जी बद्दल असे बोलले जात आहे की या फोनची वैशिष्ट्ये Realme V15 प्रमाणेच असतील. भारतात Realme X7 5G ची लाँचिंग 4 फेब्रुवारीला होणार आहे.
रिअलमी एक्स 7 5 जी ची प्रारंभिक किंमत 19,999 रुपये असेल असा दावा करत टिपस्टर Debayan Roy ने @Gadgetsdata हँडलवरून ट्विट केले आहे. ही किंमत 6 जीबी + 128 जीबी मॉडेलची असेल, तर Realme X7 5G च्या 8 जीबी + 128 जीबी मॉडेलची किंमत 21,999 रुपये आहे. चीनमध्ये Realme X7 ला 1,799 चिनी युआन म्हणजेच सुमारे 20,400 रुपयांच्या सुरुवातीच्या किंमतीत लाँच केले गेले होते.
नवी दिल्ली,दि.31 : सिनेमागृहे आणि नाट्यगृहांमधून कोविड 19 चा प्रसार रोखण्यासाठी प्रतिबंधित उपाययोजना म्हणून केंद्रिय मंत्री प्रकाश जावडेकर (Union Minister Prakash Javadekar) यांनी आज मानक कार्यपद्धती जाहीर केली आहे. सिनेमागृहे आता …
नवी दिल्ली,दि.31 : सिनेमागृहे आणि नाट्यगृहांमधून कोविड 19 चा प्रसार रोखण्यासाठी प्रतिबंधित उपाययोजना म्हणून केंद्रिय मंत्री प्रकाश जावडेकर (Union Minister Prakash Javadekar) यांनी आज मानक कार्यपद्धती जाहीर केली आहे. सिनेमागृहे आता संपूर्ण क्षमतेने सुरू करता येतील, असे मंत्री प्रकाश जावडेकर यांनी निर्णयाची घोषणा करताना सांगितले. निर्जंतुकीकरण आणि कोविड नियमावलीचे काटेकोरपणे पालन केले गेले पाहिजे. असेही त्यांनी यावेळी सांगितले.
तसेच लोकांना सिनेमागृहाच्या आतमध्ये असलेल्या स्टॉलवरून पदार्थ खरेदी करता येतील, असेही त्यांनी यावेळी नमूद केले. काही निर्बंध अजूनही घातलेले आहेत, कारण आता कोविड संपुष्टात येण्याच्या मार्गावर असला तरी खबरदारी घेणे गरजेचे आहे.
केंद्र सरकारने 27 जानेवारी 2021 तारखेच्या आदेश क्रमांक 40-3/2020- DM-I(A) अनुसारे सिनेमागृह आणि नाट्यगृह सुरू करण्यासाठी परवानगी दिलेली आहे.
प्रारंभी, मानक कार्यपद्धती (एसओपी) असे सांगते की, प्रतिबंधित क्षेत्र असलेल्या ठिकाणी चित्रपटाचे प्रदर्शन करता येणार नाही आणि संबंधित राज्ये आणि केंद्रशासित प्रदेश त्यांच्या संबंधित क्षेत्रामध्ये मूल्यांकनानुसार योग्य ती अतिरिक्त खबरदारी घेण्याबाबतच्या उपायांचा विचार करू शकतात. मानक कार्यपद्धती नुसार, सिनेमागृहाच्या आतमध्ये आसनक्षमता शंभर टक्के क्षमतेने वापरण्याची परवानगी देण्यात आली आहे.
एसओपीमध्ये स्पष्ट करण्यात आले आहे की, सभागृहाच्या आवाराच्या आतमध्ये सर्व प्रकारच्या सुरक्षा विषयक उपायांची अंमलबजावणी काटेकोरपणे पाळणे आवश्यक आहे. सामान्य मार्गदर्शक सूचनांमध्ये असे सांगण्यात आले आहे की, श्वसन विषयक शिष्टाचारांचे पालन करणे आवश्यक आहे, चेहऱ्यावर मास्क वापरणे, सभागृहात आणि बाहेर किमान 6 फूट आणि जास्तीत जास्त सामाजिक अंतर पाळणे गरजेचे आहे. सार्वजनिक ठिकाणी, प्रतिक्षा कक्षांमध्ये थुंकणे प्रतिबंधित असेल आणि आरोग्य सेतूचा वापर करण्यासाठी प्रोत्साहन दिले गेले पाहिजे.
सिनेमागृहात येणाऱ्या प्रत्येकाचे प्रवेशद्वाराशी आणि बाहेर पडण्याच्या ठिकाणी थर्मल स्कॅनिंग झाले पाहिजे. येथील गर्दी टाळण्यासाठी रांगेत उभे राहून ही प्रक्रिया पार पाडावी. एक स्क्रीन किंवा अनेक स्क्रीन असलेल्या सिनेमागृहांमध्ये मध्यंतराच्या वेळी प्रवेशद्वार आणि बाहेर पडण्याच्या दाराजवळ गर्दी टाळण्यासाठी लोकांना रांगेने बाहेर पडता यावे, याकरिता पुरेसा वेळ दिला जाणार आहे. गर्दी टाळण्यासाठी मल्टिप्लेक्स सिनेमागृहांमध्ये सिनेमा प्रदर्शनाच्या वेळांची विभागणी केली जाईल.
शीतपेय, खाद्यपदार्थ, तिकीटे इत्यादीच्या व्यवहारासाठी संपर्क टाळण्यासाठी डिजीटल पद्धतीचा वापर करण्यास मानक कार्यपद्धती प्रोत्साहन देते. दिवसभर बॉक्स ऑफिसवर काउंटरवरची पुरेशी संख्या सुरू ठेवली जाईल आणि तिकीट खिडकीवर तिकीट विक्री चालू राहील आणि विक्री काउंटरवर गर्दी होऊ नये म्हणून आगाऊ बुकिंग करण्यासाठीही परवानगी देण्यात येईल.
संपूर्ण आवार सार्वजनिक सेवांची ठिकाणे आणि मानवी संपर्कात येणारी सर्व ठिकाणे उदा. हँडल्स, रेलिंग इत्यादि निर्जंतुक करण्याची पद्धत ही मानक कार्यपद्धती सुनिश्चित करते आणि सिनेमाच्या प्रत्येक प्रदर्शनानंतर सभागृह निर्जंतुक केले जाईल असे ही त्यात म्हटले आहे.
कोविड बाबत जनजागृती करण्यासाठी योग्य आणि करू नये अशा गोष्टी (डूज अँड डोन्ट्स) यांची घोषणा, स्टँड, पोस्टर्सच्या माध्यमातून मांडल्या जातील. तसेच जनजागृती करण्यासाठी विशिष्ट उपाययोजनाही आखल्या गेल्या आहेत.
सांगली,दि.31 : ग्रामपंचायत निवडणूका नुकत्याच राज्यात पार पडल्या. ग्रामपंचायत निवडणुकीनंतर सरपंच पदाची सोडत ठेवण्यात आली होती. त्यामुळे निकालानंतर निवडून आलेल्या सदस्यांच्या नजरा सरपंचपदासाठी घोषित होणाऱ्या आरक्षणाकडे लागल्या होत्या. सरपंच आरक्षण सोडत …
सांगली,दि.31 : ग्रामपंचायत निवडणूका नुकत्याच राज्यात पार पडल्या. ग्रामपंचायत निवडणुकीनंतर सरपंच पदाची सोडत ठेवण्यात आली होती. त्यामुळे निकालानंतर निवडून आलेल्या सदस्यांच्या नजरा सरपंचपदासाठी घोषित होणाऱ्या आरक्षणाकडे लागल्या होत्या. सरपंच आरक्षण सोडत निवडणुकीपूर्वी झाली असती तर नियमानुसार योग्य त्या जागेवर उमेदवार निवडून आणता आला असता. मात्र निवडणुकीनंतर सरपंच पदाची सोडत ठेवण्यात आल्यामुळे अनेक गावांत तारांबळ उडाली आहे.
सांगली जिल्ह्यातील काही मोजक्या गावात सरपंचपदाच्या पडलेल्या आरक्षणावरून पेच निर्माण झालाय. ज्या जातीचे गावात सरपंच पदासाठी आरक्षण पडलेय त्या जातीचा सदस्यच गावात निवडून आला नाही. त्यामुळे एकतर जे सदस्य निवडून आलेत आणि आपल्या जातीचे सरपंचपदासाठी आरक्षण पडेल यासाठी त्यांनी देव पाण्यात ठेवले होते त्यांची मात्र निराशा झालीय. आता गावच्या सरपंचपदाचे आरक्षण बदलण्यात यावे अशी मागणी ग्रामस्थांतून होत आहे.
कडेगाव तालुक्यातील अंबक येथील सरपंच पदाचे आरक्षण अनुसूचित जाती स्त्री आरक्षण पडले. मात्र या प्रवर्गासाठी प्रभाग आरक्षणात एकही जागा नव्हती. त्यामुळे विजयी उमेदवारात या प्रर्वगातील एकही महिला सदस्य नाही. त्यामुळे आता कसे असा प्रश्न सर्व ग्रामपंचायत सदस्यांना पडला आहे.
अंबक ग्रामपंचायत निवडणुकीत विजयी उमेदवारात सर्वसाधारण, सर्वसाधारण स्त्री, नागरिकांचा मागास प्रवर्ग, नागरिकांचा मागास प्रवर्ग स्त्र,अनुसुचित जाती या प्रवर्गातील उमेदवार आहेत. यातील बहुतांश उमेदवारांना सरपंच पदासाठी आपल्याच प्रवर्गातील आरक्षण पडेल अशी अपेक्षा होती. मात्र आरक्षण सोडत झाल्यानंतर या सर्वांचीच निराशा झाली.
अनुसूचित जाती स्त्री प्रवर्गातील उमेदवारच नसल्याने आता सरपंचपद रिक्त राहणार आहे. उपसरपंच पदाची निवडही सरपंच यांच्या अध्यक्षतेखाली बोलविलेल्या विशेष बैठकीत केली जाते. यामुळे आता उपसरपंच निवड कशी होणार याबाबतही उत्सुकता आहे. यामुळे आता सरपंच आरक्षण बदलणार का? याकडे ग्रामस्थांचे लक्ष लागले आहे. अंबक ग्रामपंचायत निवडणुकीत काँग्रेस आणि भाजपमध्ये सामना झाला. यात काँग्रेसने 10 तर भाजपने 1 जागा जिंकली आहे.
आता प्रशासन नवीन आरक्षण जाहीर करणार का? सरपंच पद रिक्त राहणार का? याकडे सदस्यांसह गावाचे लक्ष लागून आहे. तासगाव तालुक्यातील गौरगाव ग्रामपंचायतीच्या बाबतीत देखील असाच काहीसा प्रकार झालाय. जिल्हाधिकाऱ्यांनी यावर नवीन आरक्षण काढले जाईल असे सांगितले आहे.
सरपंच आरक्षण सोडत निवडणुकीपूर्वी झाली असती तर आम्ही नियमानुसार योग्य त्या जागेवर अनुसूचित जाती स्त्री उमेदवार निवडून आणला असता. शासनाने निवडणुकीनंतर आरक्षण सोडत घेतल्याचा हा परिणाम आहे अशी प्रतिक्रिया ग्रामस्थांनी व्यक्त केली आहे. यामुळे जे सरपंच पदासाठी इच्छुक होते, त्यांची देखील निराशा झालीय.
सोलापूर,दि.31 : सोलापूर जिल्हा ग्रामीण नवीन 31 रूग्णांची भर; एकूण रुग्ण संख्या 39582 झाली आहे.रुग्णालयातून बरे होऊन गेलेल्या बाधितांची संख्या 38008 झाली आहे.तर रुग्णालयात उपचार घेत असलेल्या बाधितांची संख्या 413 आहे.तर …
सोलापूर,दि.31 : सोलापूर जिल्हा ग्रामीण नवीन 31 रूग्णांची भर; एकूण रुग्ण संख्या 39582 झाली आहे. रुग्णालयातून बरे होऊन गेलेल्या बाधितांची संख्या 38008 झाली आहे. तर रुग्णालयात उपचार घेत असलेल्या बाधितांची संख्या 413 आहे. तर आजपर्यंत मृतांची संख्या 1161 झाली आहे. यात 835 पुरुष व 326 महिलांचा समावेश आहे. सोलापूर जिल्हा ग्रामीण आज 2109 अहवाल प्राप्त झाले. यात 2078 निगेटिव्ह तर 31 पॉझिटिव्ह रुग्ण आढळून आले. यात 27 पुरुष आणि 4 महिलांचा समावेश आहे. आज 1 जणांची नोंद मृत म्हणून आहे. तर 22 जण बरे झाल्याने घरी सोडण्यात आले.
दि.31 : पंजाब आणि हरियाणा उच्च न्यायालयाने कौटुंबिक पेन्शनबाबत ऐतिहासिक निर्णय दिला आहे. कोर्टाने म्हटले आहे की एखाद्या महिलेने आपल्या पतीची हत्या केली तरीसुद्धा तिला कौटुंबिक पेन्शनचा हक्क मिळणार आहे. 25 …
दि.31 : पंजाब आणि हरियाणा उच्च न्यायालयाने कौटुंबिक पेन्शनबाबत ऐतिहासिक निर्णय दिला आहे. कोर्टाने म्हटले आहे की एखाद्या महिलेने आपल्या पतीची हत्या केली तरीसुद्धा तिला कौटुंबिक पेन्शनचा हक्क मिळणार आहे. 25 जानेवारी रोजी बलिया कौर विरुद्ध हरियाणा राज्य प्रकरणी हायकोर्टाने हा निकाल दिला.
कोर्टाने निकाल देताना निर्णय दिला की सोन्याची अंडी देणारी कोंबडीला कुणीच मारत नाही. जरी एखाद्या पत्नीने आपल्या पतीचा खून केला असेल तरीदेखील तिला कौटुंबिक पेन्शन नाकारली जाऊ शकत नाही. खरं तर, सरकारी कर्मचाऱ्याचा मृत्यू झाल्यास कौटुंबिक पेन्शन कुटुंबास आर्थिक मदत देते. कोर्टाच्या आदेशानुसार हत्येसारख्या फौजदारी खटल्यात पत्नी दोषी असेल, तरीसुद्धा तिला कौटुंबिक पेन्शनचा हक्क मिळणार आहे.
खून प्रकरणात दोषी ठरल्यानंतर सरकारने पेन्शन रोखली होती वास्तविक, अंबाला येथील रहिवासी बलजित कौर यांनी सरकारच्या या आदेशाला न्यायालयात आव्हान दिले ज्या अंतर्गत हरियाणा सरकारने खून प्रकरणात दोषी ठरल्यानंतर निवृत्तीवेतन रोखले. बलजित यांचे पती तरसेम सिंग यांचा 2008 मध्ये मृत्यू झाला होता आणि 2009 मध्ये बलजितवर खुनाचा गुन्हा दाखल करण्यात आला होता. 2011 मध्ये त्यांना खुनाचा दोषी ठरविण्यात आले होते. बलजीत कौर यांना 2011 पर्यंत कौटुंबिक पेन्शन मिळत राहिली, पण खून प्रकरणात दोषी ठरल्यानंतर हरियाणा सरकारने त्यांची पेन्शन रोखली.
हायकोर्टाने सर्व थकबाकी देण्याचे दिले आदेश उच्च न्यायालयाने हरियाणा सरकारचा आदेश फेटाळून लावत याचिकाकर्त्याला सर्व थकबाकीसह दोन महिन्यांत पेन्शन देण्याचे आदेश विभागाला दिले आहेत. हा आदेश नियमांच्या विरोधात असल्याचे सांगत उच्च न्यायालयाने हरियाणा सरकारचा आदेश फेटाळला. पतीच्या मृत्यूनंतर पत्नीला सीसीएस (पेन्शन) नियम 1972 अंतर्गत कौटुंबिक पेन्शन मिळण्याचा हक्क आहे. सरकारी कर्मचाऱ्याच्या मृत्यूनंतर त्याच्या पत्नीला कौटुंबिक पेन्शनचा हक्क मिळाला असला आणि तिने दुसरा विवाह केला तरीही तिचा पेन्शनवर हक्क आहे.
बेळगाव,दि.31 : कर्नाटकचे उपमुख्यमंत्री आणि सार्वजनिक बांधकाम खात्याचे मंत्री गोविंद कार्जोळ यांनी छत्रपती शिवाजी महाराजांचे (Chhatrapati Shivaji Maharaj) वंशज मूळचे कर्नाटकातले आहेत. छत्रपती शिवाजी महाराज हे मूळचे कन्नड भूमीतील आहे, असं …
बेळगाव,दि.31 : कर्नाटकचे उपमुख्यमंत्री आणि सार्वजनिक बांधकाम खात्याचे मंत्री गोविंद कार्जोळ यांनी छत्रपती शिवाजी महाराजांचे (Chhatrapati Shivaji Maharaj) वंशज मूळचे कर्नाटकातले आहेत. छत्रपती शिवाजी महाराज हे मूळचे कन्नड भूमीतील आहे, असं वक्तव्य केलं आहे.
छत्रपती शिवाजी महाराज हे मूळचे कन्नड भूमीतील आहे, असं वक्तव्य केलं आहे. बेळगाव येथे पत्रकारांशी बोलताना त्यांनी हे वक्तव्य केले आहे. ते म्हणाले की, महाराष्ट्रात संमिश्र सरकार आहे. काँग्रेस केव्हा आपल्याला खुर्चीवरून उतरवेल याची भीती महाराष्ट्राचे मुख्यमंत्री उद्धव ठाकरे यांना आहे. त्या कारणासाठी आणि लोकांचे लक्ष दुसरीकडे वळवण्यासाठी उद्धव ठाकरे प्रयत्न करत आहेत, असं देखील कार्जोळ म्हणाले.
कार्जोळ म्हणाले की, उद्धव ठाकरे यांनी इतिहास वाचलेला नाही. त्यामुळे त्यांना इतिहास माहीत नाही. छत्रपती शिवाजी महाराजांचे वंशज हे कर्नाटकातील गदग जिल्ह्यातील सोरटूर गावचे. त्यांचे मूळ पुरुष बेळीअप्पा आहेत. कर्नाटकात दुष्काळ पडला म्हणून ते महाराष्ट्रात गेले. नंतरच्या पिढीतील शिवाजी महाराज आहेत. त्यामुळं छत्रपती शिवाजी महाराज हे मूळचे कन्नड भूमीतील आहेत, असं गोविंद कार्जोळ म्हणाले. ते म्हणाले की, कर्नाटकात मराठी, कन्नड जनता प्रेमाने राहते. जात मराठा असली तरी ते कन्नडच आहेत. महाराष्ट्रात देखील कन्नड मराठी जनता प्रेमाने राहते. उध्दव ठाकरे यांनी खुर्चीसाठी वातावरण बिघडवायचे काम करू नये असे गोविंद कार्जोळ म्हणाले.
सोलापूर,दि.३१ : सोलापूर शहर नवीन २० रूग्णांची भर; एकूण रुग्ण संख्या ११७६४ झाली आहे.रुग्णालयातून बरे होऊन गेलेल्या बाधितांची संख्या १०८११ झाली आहे.रुग्णालयात उपचार घेत असलेल्या बाधितांची संख्या ३१९ आहे.तर आजपर्यंत मृतांची …
सोलापूर,दि.३१ : सोलापूर शहर नवीन २० रूग्णांची भर; एकूण रुग्ण संख्या ११७६४ झाली आहे. रुग्णालयातून बरे होऊन गेलेल्या बाधितांची संख्या १०८११ झाली आहे. रुग्णालयात उपचार घेत असलेल्या बाधितांची संख्या ३१९ आहे. तर आजपर्यंत मृतांची संख्या ६३४ झाली आहे. यात ४२७ पुरुष व २०७ महिलांचा समावेश आहे सोलापूर शहर आज ६३६ अहवाल प्राप्त झाले. यात ६१६ निगेटिव्ह तर २० पॉझिटिव्ह रुग्ण आढळून आले. यात १३ पुरुष आणि ७ महिलांचा समावेश आहे. आज २ जणांची नोंद मृत म्हणून आहे. तर ३५ जण बरे झाल्याने घरी सोडण्यात आले.
मुंबई,दि.31 : भाजपाचे माजी खासदार किरीट सोमय्या यांचे पुत्र, नगरसेवक नील सोमय्या यांना काल मुलुंड पोलीस स्थानकात चौकशीसाठी बोलवण्यात आलं होतं. एका जुन्या खंडणीप्रकरणी नील सोमय्या यांनी पोलिसांनी चौकशीसाठी समन्स बजावलं …
मुंबई,दि.31 : भाजपाचे माजी खासदार किरीट सोमय्या यांचे पुत्र, नगरसेवक नील सोमय्या यांना काल मुलुंड पोलीस स्थानकात चौकशीसाठी बोलवण्यात आलं होतं. एका जुन्या खंडणीप्रकरणी नील सोमय्या यांनी पोलिसांनी चौकशीसाठी समन्स बजावलं होतं. तसेच मुलुंड पोलिसांकडून नील सोमय्या यांचा या गुन्हासंदर्भात जबाब नोंदवण्यात आला असल्याची माहिती, पोलीस अधिकाऱ्यांनी दिली. जवळपास तीन तास त्यांची चौकशी करण्यात आली.
पोलिसांनी दिलेल्या माहितीनुसार, नील सोमय्या यांच्यावर आरोप लावण्यात आला आहे की, गेल्या वर्षी जानेवारी महिन्यात एक मोठ्या कॉर्पोरेट कंपनीने आपल्या दोन टॉवर्सचं काम एका खासजी ठेकेदाराला दिलं होतं. परंतु, नील सोमय्या यांनी ठेकेदाराला धमकावून ते काम आपल्या ओळखीतल्या एका ठेकेदाराला मिळवून दिलं. याप्रकरणी मुंबई पोलिसांनी तीन लोकांना अटकही केली आहे.
काय आहे प्रकरण? 2020 साली जानेवारी महिन्यात एका मोठ्या कॉर्पोरेट कंपनीने आपल्या दोन टॉवर्सशी निगडीत काम एका खाजगी ठेकेदाराला दिलं होतं. त्यानंतर किरीट सोमय्या यांच्या मुलाने नील सोमय्या यांच्याशी संबंधित काही लोकांनी ठेकेदाराला नील सोमय्या यांच्या ऑफिसमध्ये बोलावून एका टॉवरचं काम त्याच्याकडून काढून घेतलं. परंतु, काही दिवसांनी लोकांनी नील सोमय्या यांच्या उपस्थितीत पुन्हा एकदा ठेकेदाराला बोलावलं आणि त्याला धमकी दिली. तसेच त्याच्याकडून दुसऱ्या टॉवरचं कामही दे किंवा त्याबदल्यात आम्हाला फ्रॉफिट दे असं सांगितलं.
याप्रकरणी गेल्या वर्षी जानेवारीमध्ये खंडणीचा गुन्हा नोंदवण्यात आला होता. अशातच एका वर्षानंतर मुलुंड पोलिसांनी पुन्हा एकदा याप्रकरणी नील सोमय्या यांना समन्स बजावत चौकशीसाठी बोलावलं होतं. नील सोमय्या यांची तीन तास चौकशी करण्यात आली. त्यानंतर त्यांचा जबाबही नोंदवण्यात आला.
सोलापूर,दि.31 : बेंगलोर येथे आयोजित करण्यात आलेल्या नागेश ब्लाइंड ट्रॉफी या राष्ट्रीय अंध क्रिकेट स्पर्धेचे आयोजन करण्यात आले आहे. या स्पर्धेसाठी सोलापुरातून अविनाश घोडके या राष्ट्रीय अंध खेळाडूची गोवा अंध क्रिकेट …
सोलापूर,दि.31 : बेंगलोर येथे आयोजित करण्यात आलेल्या नागेश ब्लाइंड ट्रॉफी या राष्ट्रीय अंध क्रिकेट स्पर्धेचे आयोजन करण्यात आले आहे. या स्पर्धेसाठी सोलापुरातून अविनाश घोडके या राष्ट्रीय अंध खेळाडूची गोवा अंध क्रिकेट टीम कडून निवड करण्यात आली आहे. त्यांनी गोवा क्रिकेट टीम साठी संभाजी ब्रिगेड कडे स्पोर्ट्स शूज ची मागणी केली होती त्यानुसार संभाजी ब्रिगेडच्या वतीने राष्ट्रीय खेळाडू अविनाश घोडके यांना सोळा जोड स्पोर्ट शूजचे वितरण करण्यात आले.
यावेळी संभाजी ब्रिगेडचे शहराध्यक्ष शाम कदम संपर्कप्रमुख सोमनाथ पात्रे कार्याध्यक्ष अरविंद शेळके उपाध्यक्ष सिताराम बाबर उपाध्यक्ष आशुतोष माने सचिव सनी पाटू संघटक सुलेमान पिरजादे समन्वयक अजित शेटे आर्यन कदम ओंकार कदम संतोष पुजारी इत्यादी उपस्थित होते.
सोलापूर,दि.३१ : जुळे सोलापुरातील दावत चौकातील स्टेट बँक ऑफ इंडियाच्या (State Bank Of India) एटीएम सेंटरमध्ये (ATM Center) वृद्धाचे एटीएम कार्ड बदलून भामट्याने दुसऱ्या एटीएम सेंटरमध्ये जाऊन वीस हजार रुपये काढून …
सोलापूर,दि.३१ : जुळे सोलापुरातील दावत चौकातील स्टेट बँक ऑफ इंडियाच्या (State Bank Of India) एटीएम सेंटरमध्ये (ATM Center) वृद्धाचे एटीएम कार्ड बदलून भामट्याने दुसऱ्या एटीएम सेंटरमध्ये जाऊन वीस हजार रुपये काढून घेऊन फसवणूक केली आहे. याबाबत दामोदर बलभीम पाटील ( वय ८०, रा. राजस्वनगर, विजापूर रस्ता ) यांनी दिलेल्या फिर्यादीवरून अनोळखी इसमाविरुद्ध विजापूर नाका पोलीस ठाण्यात फसवणुकीचा गुन्हा दाखल झाला आहे.
फिर्यादी पाटील हे दावत चौकातील स्टेट बँक ऑफ इंडियाच्या एटीएम सेंटरमध्ये पैसे काढण्यासाठी गेले होते. ते मशीनमध्ये एटीएम कार्ड घालून पैसे काढत असताना त्यांच्या पाठीमागे उभ्या असलेल्या अनोळखी इसमाने फिर्यादीस थांबा काका काहीतरी अडचण आहे, मी कार्ड काढून पुन्हा घालतो, असे सांगितले.
त्याने फिर्यादीस बँक ऑफ महाराष्ट्राचे एटीएम कार्ड देऊन त्यांच्याजवळील एटीएम कार्ड घेऊन पोबारा केला. काही वेळानंतर आरोपीने इंचगिरी मठाजवळील आयडीबीआय बँकेच्या एटीएम सेंटरमधून फिर्यादीच्या खात्यातील वीस हजार रुपये काढून घेतले. आपली फसवणूक झाल्याचे लक्षात येताच पाटील यांनी पोलिसात फिर्याद दिली. सहायक फौजदार मोरे हे अधिक तपास करीत आहेत.
सायबर पोलिसांनी जनजागृती करावी गेल्या काही दिवसांपासून शहरात सायबर क्राईमचे प्रमाण वाढले आहे. दररोज एटीएम कार्ड बदलणे, पिन नंबर विचारुन ऑनलाइन खरेदी करुन फसवणूक करणे, आदी घटनांमध्ये वाढ होत आहे. याबाबत सायबर क्राईम विभागाने जनजागृतीपर उपक्रम राबवून फसवणुकीच्या घटनांवर आळा घालण्याची मागणी होत आहे.
